Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Ibihumbi vy'abantu bimuwe mu bice vya Kenya kubera imyuzure
Imyuzure muri Kenya yafukiriye amabarabara ituma abantu benshi bimurwa bakurwa mu bice vyabangamiwe n'ugutemba kw'imisozi nyuma y'imvura y'isegenya.
Ishirahamwe ritabara imbabare, Croix Rouge, rivuga ko ingomero z'umuyagankuba zitatu zuzuye ku buryo bw'ikirenga.
Ivyo vyatumye ibihumbi vy'abantu baba mu biyaya vyegereye izo ngomero babwirizwa kwimukira mu turere twitaramuye.
Croix Rouge kandi ivuga ko mu ndwi zitatu ziheze abantu bashika hafi ibihumbi ijana na mirongo itanu babwirijwe guta ingo zabo.
Mu karere ka Tana River abantu ibihumbi mirongo itanu barahunze, benshi bakaba batse indaro mu mashure canke hanze mu bibanza biri ku misozi.
