Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Trump yidogeye FBI kutabuza ubwicanyi bwo muri Floride
Prezida Donald Trump wa Amerika yaneguye ikigo kijejwe amatohoza FBI kuba kitashoboye guhagarika ubwicanyi bwabaye ku munsi wa gatatu kw'ishuli ryo muri Floride kandi ngo hari ibimenyetso vy'imburi.
Bwana Trump avuga ko ico kigo gita umwanya mu kurondera kwemeza ko Uburusiya bwagize uruhara mw'iyamamaza ryiwe mu matora y'umukuru w'igihugu.
Ku butumwa yacishije kuri Twitter yavuze ko FBI ikwiye kwitaho akazi kayo ko atawokwemera ukuntu ico kigo coba kitashoboye gukorera ku bimenyetso vyinshi uwakoze ubwo bwicanyi yari yagaragaje.
Imbere y'ubwo bwicanyi, ibihumbi vy'abanyagihugu baragize imyiyerekano muri Floride basaba ubutegetsi gukomeza ibikogwa vyo kugenzura ibigwanisho, bidogera Trump gushiraho amategeko abuza abantu kubitunga.
Bwana Trump yavuze ko uwakoze ubwo bwicanyi, Nikolas Cruz, yabitewe nuko agwaye mu mutwe.
