Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Abana binjijwe mu gisirikare na Lubanga bahawe inshumbusho
Abacamanza ba sentare mpuzamakungu mpanavyaha, ICC, bageneye inshumbusho y'imiriyoni 10 z'amadolari, abana binjijwe mu gisirikare ca Thomas Lubanga muri Kongo.
Bivugwa ko ari ubwa mbere abana bahawe inshumbusho muri ubu buryo n'iyi sentare.
Mu 2012 bwana Lubanga yahamwe n'icaha co kunyuruza abana b'abahungu n'abakobwa, bamwe bafise imyaka indwi gusa.
Abahungu bategekwa kurwana mu ntara ya Ituri iri mu buseruko bwa Republika Iharanira Demokrasi ya Kongo, abakobwa bagakoreshwa nk'abacakara bo gusambanya.
Bwana Lubanga yakatiwe igipfungo c'imyaka cumi n'ine, niwe azotegerezwa kuriha iyo nshumbusho.
Amashirahamwe y'abagiraneza akorana n'abo bana avuga ko benshi binubwa n'imiryango yabo hamwe n'ikibano, bamwe mbere bakirukanwa.
