Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Uburusiya bushaka kwirukana abaserukira Ubwongereza
Uburusiya buvuga ko bugiye kwirukana abaserukira igihugu c'Ubwongereza "vuba" mu kwishura ku bijanye n'abakozi 23 b'ubuserukizi bw'Uburusiya birukanywe n'Ubwongereza.
Umushikiranganji ajejwe imigenderanire w'Uburusiya, Sergei Lavrov, yabwiye itangazamakuru ry'Uburusiya ko ukwirukana abo bakozi "gutegerezwa" kuba.
Ubwongereza bwafashe iyo ngingo inyuma yaho Moscou yankiye gusigura ingene ubumara bwakozwe n'Uburusiya, bwakoreshejwe mu kugerageza kwica umusumyi w'urusaku n'umukobwa wiwe mu Bwongereza.
Uburusiya bwarahakanye, buvuga ko ata ruhara bubifisemwo.
Umushikiranganji wabwo w'imigenderanire yavuze ko ibirego vy'umushikiranganji wa mbere Theresa May "bidafashe".
Uburusiya buvuga ko Ubwongereza butigenjeje ukwo vyari bikenewe ku bijanye n'ico kibazo, mu gihe butishimikije ivyemezo.
Abajijwe igihe bazokwirukanigwa, Bwana Lavrov ngo yavuze ati: "Vuba. Ndabibemereye."
