Dehongli graffiau
Pan fyddi’n darllen a dehongli graffiau, mae’n bwysig dy fod yn ystyried yn ofalus beth mae pob echelin yn ei gynrychioli. Weithiau efallai y bydd gofyn i ti ddilyn dull cyffredinol gan na fyddi bob amser yn cael gwerthoedd penodol i weithio gyda nhw.
Question
Mae’r siapiau canlynol yn cael eu llenwi â dŵr, lle mae’r dŵr yn cael ei arllwys ar gyfradd gyson. Mae’r graffiau’n modelu uchder y dŵr yn erbyn amser. Penderfyna pa graff sy’n cyfateb yn gywir i bob siâp.
- A. Mae uchder y dŵr yn cynyddu ar gyfradd gyson. Mae hyn yn berthnasol i siapiau 1 a 4.
- B. Mae’r uchder yn cynyddu’n gyflym ac yna’n arafu. Mae hyn yn berthnasol i siapiau 3 a 5. Wrth i lefel y dŵr gynyddu, mae yna arwynebedd mwy i’w orchuddio ac felly bydd y cynnydd yn yr uchder yn arafu.
- C. Mae’r uchder yn cynyddu’n araf, yn gyflym ac yna’n araf unwaith eto. Mae hyn yn berthnasol i siâp 2 - ar ôl i’r diamedr leihau mewn ffordd anunffurf, gallwn weld bod y siâp ar ei fwyaf cul, ac felly yn y rhan hon bydd uchder y dŵr yn cynyddu’n gyflymach nac mewn mannau eraill.
Question
Mewn cwmni, mae gweithwyr yn derbyn £200 o gomisiwn hyd yn oed os nad ydyn nhw’n gwerthu unrhyw beth, yn ogystal ag 1% am bob gwerthiant o dan £20,000 a 4% am bob gwerthiant dros £20,000. Pa graff sy’n cynrychioli’r sefyllfa hon orau?
Graff C. Ceir taliad o £200 beth bynnag fo’r gwerthiant, felly ni all y graff gychwyn ar (\({0} \text{,} {~0}\)). Gydag unrhyw werthiant dros £20,000, mae’r ganran a geir yn cynyddu, felly dylai graddiant y llinell hefyd gynyddu.
