Trasnadh eadar dà lùb
'S dòcha gur e dà abairt ioma-theirmeach, no fiù 's cearcaill, a bhios san trasnadh aig dà lùb.
Eisimpleir
Lorg co-chomharran nam puingean-trasnaidh eadar an dà pharabola mar a chì sinn san diagram.
Fuasgladh
\(y = {x^2}\) agus \(y = 2x - {x^2}\)
A-rithist bidh sinn a' cleachdadh an aon dòigh 's a bh' againn roimhe agus a' dèanamh taobh deas gach co-aontair co-ionann ri chèile.
\({x^2} = 2x - {x^2}\)
\({x^2} + {x^2} - 2x = 0\)
Sìmplich:
\(2{x^2} - 2x = 0\)
Factaraich le bhith a' gabhail factar cumanta agus an uair sin fuasgail e gus luachan \(x\) obrachadh a-mach.
\(2x(x - 1) = 0\)
\(2x = 0\)
\(x = 0\) agus:
\(x - 1 = 0\)
\(x = 1\)
A-nis ionadaich gach luach de \(x\) a-steach do aon de na co-aontaran tùsail gus luachan \(y\) obrachadh a-mach.
\(y = {x^2}\)
Nuair a tha \(x = 0\)
\(y = {0^2}\)
\(y = 0\)
Nuair a tha \(x = 1\)
\(y = {1^2}\)
\(y = 1\)
Mar sin 's e na puingean-trasnaidh eadar an dà lùb \((0,0)\) agus \((1,1)\).
