Feartan cheàrnan ann am poileagain
Mar as trice thèid againn air na ceàrnan taobh a-staigh poileagan obrachadh a-mach le bhith a' roinn a' phoileagan na thriantain timcheall a' mheadhain.
Question
Obraich a-mach an ceàrn a-staigh aig còig-cheàrnach riaghalteach.
Roinn am poileagan riaghailteach na thriantain.
Tha gach ceàrn aig a' mheadhan \(72^\circ\) oir tha na \(360^\circ\) aig a' mheadhan air an roinn na 5 pìosan.
Tha seo a' ciallachadh gu bheil \(108^\circ\) air fhàgail againn anns gach triantan airson an dà cheàrn a tha nan laighe air taobh a' chòig-cheàrnaich. Mar sin tha \(54^\circ\) anns gach ceàrn.
Tha a dhà dhiubh seo anns gach ceàrn a-staigh.
Mar sin tha \(108^\circ\) sa cheàrn a tha sinn ag iarraidh. (Chì thu gu bheil sinn a' letheadh agus an uair sin a' dùblachadh).
Question
An ceàrn a-staigh aig sia-cheàrnach riaghailteach.
Roinn an sia-cheàrnach riaghailteach na thriantain.
Tha gach ceàrn aig a' mheadhan \(60^\circ\) oir tha na \(360^\circ\) aig a' mheadhan air an roinn na 6 pìosan.
Tha seo a' ciallachadh gu bheil \(120^\circ\) air fhàgail againn anns gach triantan airson an dà cheàrn a tha nan laighe air taobh an t-sia-cheàrnaich. Mar sin tha \(60^\circ\) anns gach ceàrn.
Tha a dhà dhiubh seo (geal) anns gach ceàrn a-staigh.
Mar sin 's e am freagairt \(120^\circ\).
Question
Obraich a-mach an ceàrn a-staigh aig ochd-cheàrnach riaghalteach.
Roinn an t-ochd-cheàrnach riaghailteach na thriantain.
Tha \(360^\circ\) air an roinn le 8 anns gach ceàrn aig a' mheadhan agus 's e sin \(45^\circ\).
Tha seo a' ciallachadh gu bheil \((180-45)^\circ\) air fhàgail againn anns gach triantan airson an dà cheàrn a tha nan laighe air taobh an ochd-cheàrnaich, a' fàgail \(135^\circ\). Mar sin tha \(67.5^\circ\) anns gach ceàrn.
Tha a dhà dhiubh seo (geal) anns gach ceàrn a-staigh.
Mar sin 's e am freagairt \(135^\circ\).
