A' gabhail pàirt ann am poilitigs ann an AlbaPartaidhean poilitigeach ann an Alba

Dè th' ann am partaidh poilitigeach?

'S e buidheann dhaoine leis an aon seòrsa bheachdan is chreideasan a th' ann am partaidh poilitigeach. Tha iad a' tighinn còmhla gus na h-amasan aca a choileanadh. Bidh beachdan partaidh poilitigeach ann an sgrìobhainn ris an can sinn manifesto. Tha manifesto a' phartaidh na bhunait airson obair a nì partaidh ma bhuannaicheas iad taghadh.

Cò na partaidhean poilitigeach a tha ann an Alba?

Tha iomadh partaidh ann an Alba agus tha am beachdan is am poileasaidhean fhèin aca uile. Am measg nam partaidhean as motha tha:

• Partaidh Làbarach na h-Alba
• Partaidh Libearalach Dheamocratach na h-Alba
• Partaidh Nàiseanta na h-Alba
• Partaidh Tòraidheach na h-Alba
• Partaidh Uaine na h-Alba

Ciamar a bhios daoine a' gabhail pàirt ann am partaidhean poilitigeach?

A bharrachd air a bhith a' bhòtadh ann an taghaidhean, faodaidh daoine pàirt a ghabhail ann am partaidhean poilitigeach le bhith:

• a' gabhail ballrachd ann am partaidh
• a' seasamh mar thagraiche
• a' toirt airgead do phartaidh
• a' gabhail pàirt ann an iomairtean (me a' toirt seachad bhileagan agus a' cur suas phostairean)

'S àbhaist do phartaidhean poilitigeach a bhith nas soirbheachaile ma tha mòran bhall aca a tha deònach obair a dhèanamh dhaibh agus ma gheibh iad airgead bho bhuill a' phartaidh agus bho luchd-taic.

Faodaidh duine sam bith a bhith na bhall ann am partaidh poilitigeach. Chan eil na cìsean airson nam prìomh phartaidhean uabhasach daor idir airson gun tarraing iad a-steach nas urrainn dhaibh de dhaoine. Aig àm taghaidh tha riaghailtean ann a thaobh dè na dh'fhaodas partaidhean a chosg de dh'airgead.

Tha partaidhean poilitigeach air tòrr a chosg air na làraich-lìn aca agus air meadhanan sòisealta airson gum bi conaltradh nas fheàrr eadar iad agus luchd-bhòtaidh is luchd-taic. Tha PNA air na meadhanan sòisealta a chleachdadh gu h-èifeachdach gus taic a chur ri iomairtean an taghaidh ann an 2019 agus 2021.