Dylunio theatrGwella dealltwriaeth o ddylunio gwisgoedd

Mae’r dylunydd gwisgoedd a’r cyfarwyddwr yn trafod cysyniad y cynhyrchiad a byd y ddrama i ddechrau.

Penderfynodd y cyfarwyddwr a’r dylunydd gwisgoedd fod lleoliad cyfoes yn teimlo’n addas ar gyfer eu cynhyrchiad o’r ddrama.

Mae’r dylunydd gwisgoedd yn gweithio’n agos iawn gyda’r actorion. Mae’n cael ei ysbrydoli gan yr actor sy’n chwarae’r rhan, yn enwedig yn dilyn cyfnod o ymarfer pan fydd yr actor wedi dod i adnabod y cymeriad yn dda. Er enghraifft, wrth greu gwisgoedd ar gyfer y cymeriad Gertrude, arhosodd y dylunydd gwisgoedd nes bod mis o ymarferion wedi dod i ben gan fod yr actor yn deall y cymeriad yn well erbyn hynny. Yna, roedd yr actor yn gallu cynnig syniadau ar gyfer gwisg a oedd yn siwtio ei chymeriad a siâp ei chorff, a pha liwiau i’w defnyddio.

Piniodd y dylunydd y defnydd ar gorff yr actor yn gyntaf ac yna creu’r wisg.

Gan fod y cynhyrchiad yn un cyfoes, roedd yn anodd dewis math o arfwisg ‘cyfnod’ a fyddai’n gweithio yn y ddrama. Penderfynwyd osgoi dehongliad modern gyda siaced fflac, trowsus milwr ayyb. Yn lle hynny, dewisodd y dylunydd blât dur i’r frest, cot hir a helmed arddulliedig.

Roedd gwisg yr ysbryd yn galluogi’r actor i ‘ymlithro’. Roedd y dur yn newid ei siâp a’i osgo hefyd.

Llyfr ydy’r ‘beibl’ sy’n cynnwys yr holl wybodaeth bwysig am ddylunio gwisgoedd y ddrama. Mae hyn yn cynnwys manylion am ddefnyddiau a llifynnau, botymau a defnyddiau a ddefnyddiwyd, mesuriadau’r actorion a ffotograffau o ffitiadau.

Petai’r cynhyrchiad hwn yn cael ei ail-greu ymhen sawl blwyddyn, yna byddai’n ddefnyddiol cael gwybodaeth y beibl wrth law. Byddai hyn yn galluogi’r dylunydd i gael gafael ar y defnyddiau a’r elfennau priodol ar gyfer y gwisgoedd i sicrhau eu bod yn gywir.