Effaith mydr ac odl
Mae Walkers’ Wood yn gerdd arall sydd ar fydr ac odl. Y tro hwn, sylwa fod naw sillaf yn y llinell gyntaf a deg sillaf ymhob llinell arall. Mae gan gerdd Myrddin ap Dafydd strwythur pendant sef cyfres o benillion pedair llinell yr un.
Edrycha ar y dyfyniad isod:
- Mae patrwm odli amlwg ar ddiwedd llinellau’r gerdd hon. Mae llinellau dau a phedwar yn odli ac mae’r cwpledi i gyd yn dilyn yr un rhythm.
| Dyfyniad | Effaith |
| ‘Oes 'na enw ar y coed ‘ma, Dad? / - I mi gael dweud y stori fawr wrth Taid.’ / ‘Coed Llugwy ydi’r enw arnynt, was, / Ond Walkers’ Wood sydd yn y Betws Guide.’ | Sgwrs a geir yma rhwng tad a mab. Mae rhythm y llinellau yn ychwanegu at arddull sgyrsiol y gerdd. |
| Dyfyniad | ‘Oes 'na enw ar y coed ‘ma, Dad? / - I mi gael dweud y stori fawr wrth Taid.’ / ‘Coed Llugwy ydi’r enw arnynt, was, / Ond Walkers’ Wood sydd yn y Betws Guide.’ |
|---|---|
| Effaith | Sgwrs a geir yma rhwng tad a mab. Mae rhythm y llinellau yn ychwanegu at arddull sgyrsiol y gerdd. |
Galli di weld o'r tair enghraifft sydd wedi eu cyflwyno yn y canllaw hwn fod y mesur mydr ac odl yn rhoi rhyddid i'r bardd wneud defnydd da ohono. Trwy ei ddefnyddio fel nodwedd arddull gall y bardd ddefnyddio rhythmau a phatrymau odli i'w fantais. Mae amrywio strwythur y gerdd, hynny yw hyd y llinellau, patrwm yr odl a nifer y sillafau yn ychwanegu at yr effaith mae'r bardd eisiau ei chael ar y darllenydd, ac yn helpu i drosglwyddo ei neges.
More guides on this topic
- Etifeddiaeth gan Gerallt Lloyd Owen
- Ofn gan Hywel Griffiths
- Y Coed gan Gwenallt
- Walkers' Wood gan Myrddin ap Dafydd
- Tai Unnos gan Iwan Llwyd
- Rhaid peidio dawnsio... gan Emyr Lewis
- Y Ferch wrth y Bar yng Nghlwb Ifor gan Rhys Iorwerth
- Gweld y Gorwel gan Aneirin Karadog
- Eifionydd gan R Williams Parry
- Y Sbectol Hud gan Mererid Hopwood
- Cymharu dwy gerdd
- Nodweddion arddull
- Y mesurau caeth
