Ceistean is freagairtean air bàrdachd An Taigh-tasgaidh 's an Leabhar
Question
9. Coimhead air loidhne 17. Dè tha an sguab a' riochdachadh?
Tha am bàrd ag innse dhuinn gu bheil an sguab
air a sàil. Dh'fhaodadh gu bheil an sguab a' riochdachadh tìm a' gluasad. Tha seo a' ceangal ri ìomhaigheachd na bàrdachd air fad: rudan sean agus duslach. Tha e mar gu bheil an sguab a' cur às dha na cuimhneachain a th' aice air na làithean a dh'fhalbh agus gan teicheadh air falbh bhuapa. Tha th' air cùl mo shàil
a' nochdadh faireachdainn de chabhaig dhan ghnothach.
Question
10. Beachdaich air mar a tha structar na bàrdachd ag atharrachadh ann an rannan 3 agus 4. Dè a' bhuaidh a th' aig a seo air a' bhàrdachd?
Tha am bàrd a' cleachdadh structar nas traidiseanta san dà rann mu dheireadh, an taca ris an t-saor-rannaigheachd ann an rannan 1 agus 2.
Ann an rann 3 is 4, tha ceithir loidhnichean uile mun aon fhaid. Tha comhardadh ann eadar deireadh loidhne 19 agus deireadh loidhne 21 dh'fhalbh
agus balbh
. Tha seo a' riochdachadh na h-oidhirp a tha am bàrd a' dèanamh air na seann chleachdaidhean a thuigsinn agus a ghleidheil mu choinneamh an ama ri teachd.
Tha na rannan seo cuideachd nas siùbhlaiche an taca ri na beachdan a tha a' tighinn romhpa. Dh'fhaodadh gu bheil seo a' sealltainn gu bheil am bàrd a' fàs nas cinntiche às an rud a tha i a' cur roimhpe.
Tha rann 4 a' cur taic ris a' bheachd seo, far a bheil an aon structar agus an aon teachdaireachd a' nochdadh le barrachd mion-fhiosrachadh.
Question
11. Coimhead air loidhnichean 18 agus 22. Carson a tha am bàrd a' dèanamh ath-aithris sna loidhnichean seo?
Tha am bàrd a' cleachdadh ath-aithris airson cuideam a chur air an rud dom bheil i air mothachadh: tha feum aice air leabhar a-nis airson 's gun ionnsaich i mu h-eachdraidh. 'S dòcha gu bheil seo ag innse dhuinn gun do chaill i an cothrom na rudan seo ionnsachadh bho dhaoine a bha beò aig an àm, agus nach eil air fhàgail a-nis ach eachdraidh sgrìobhte.
Question
12. A' coimhead air a' bhàrdachd gu lèir, dè an teachdaireachd a th' aig a' bhàrd sa phìos seo?
Tha am bàrd a' togail air cho luath 's a thig astar eadar sinn fhèin agus ar n-eachdraidh. Ged a tha tomhas de chuimhne aig a' bhàrd air uidheaman
a h-eachdraidh, tha i ag innse gu bheil feum aice air leabhar agus taigh-tasgaidh airson na rudan seo a chuimhneachadh agus a thuigsinn gu ceart. Chan eil am fiosrachadh seo mun cuairt oirre a-nis, air bilean an t-sluaigh
mar a bha ri linn a sean-phàrantan. Tha e follaiseach gu bheil am bàrd a' gabhail aithreachas mun dòigh sa bheil a h-eachdraidh a' dol à fianais.
