Dòigh-beatha

Tha NicGumaraid a' dèanamh iomradh air an dòigh-beatha a bh' aig a sean-phàrantan. 'S mathaid gun robh iad an sàs ann an croitearachd – tha seo ri fhaicinn bho na h-iomraidhean air sabhal, sguab agus uidheaman. Tha dragh air NicGumaraid gu bheil a' chuimhne a th' aice air na rudan seo a' fàs fann.

Eachdraidh agus cultar

Tha e follaiseach gu bheil beàrn air èirigh eadar am bàrd agus a h-eachdraidh, nach iarradh i a bhith ann. Tha aice an-diugh ri tadhal air taigh-tasgaidh, leabhar a leughadh agus a dhol gu fear eile gus a grèim air a cultar ùrachadh is a dhoimhneachadh na h-inntinn. Feumaidh i a-nis am fiosrachadh seo fhaighinn bho ghuth a tha ceum nas fhaide air falbh bhuaipe seach bho a daoine is a coimhearsnachd fhèin.

Ceanglaichean eadar ginealaichean

Tha am bàrd a' sealltainn cho mòr 's a tha gnothaichean air atharrachadh eadar beagan ghinealaichean. Ged nach eil ach dà ghinealach eadar i fhèin 's a sean-phàrantan, tha i mar-thà a' faireachdainn gu bheil astar mòr eatarra. Tha an t-iomsgaradh eadar an t-saor-rannaigheachd agus an structar traidiseanta sa bhàrdachd a' riochdachadh an eadar-dhealachaidh seo.