Nodweddion diogelwch mewn ceir
Mewn damwain car, mae'r car, ei gynnwys a'r teithwyr yn Pan mae buanedd rhywbeth yn lleihau, mae’n arafu. yn gyflym. Maen nhw'n profi Gwthio neu dynnu. Newton (N) yw uned grym. mawr oherwydd y newid Mesur sy'n gysylltiedig â mudiant gwrthrych. Mae'n cael ei gyfrifo drwy luosi màs y gwrthrych â'i gyflymder., sy'n gallu achosi anafiadau. Mae gan geir modern nodweddion diogelwch sy'n amsugno Egni cinetig yw'r egni sydd gan wrthrychau sy'n symud.mewn damweiniau. Mae’r rhain fel rheol yn cynnwys:
- gwregysau diogelwch
- bagiau aer
- cywasgrannau
Mae'r nodweddion hyn yn lleihau anafiadau i'r bobl yn y car drwy amsugno egni o'r ardrawiad. Mae'r nodweddion hyn yn amsugno egni wrth newid siâp. Mae hyn yn lleihau anafiadau i'r bobl yn y car. Maen nhw'n gwneud i'r newid momentwm ar gyrff y teithwyr gymryd mwy o amser, sy'n lleihau'r grymoedd ac unrhyw anafiadau sy'n digwydd o ganlyniad.
Gwregysau diogelwch
Mae gwregysau diogelwch yn dy gadw di mor ddiogel â phosibl y tu mewn i'r car mewn damwain. Fodd bynnag, maen nhw wedi'u cynllunio i ymestyn ychydig bach mewn damwain. Mae hyn yn cynyddu'r amser mae'n ei gymryd i fomentwm y corff gyrraedd sero, ac felly'n lleihau'r grymoedd arno.
Bagiau aer
Mae bagiau aer yn cynyddu'r amser mae'n ei gymryd i fomentwm y pen gyrraedd sero, ac felly'n lleihau'r grymoedd arno. Maen nhw hefyd yn gweithredu fel clustog feddal ac yn atal toriadau i'r croen.
Cywasgrannau
Rhannau o gerbyd sydd wedi'u cynllunio i wasgu mewn ffordd reoledig yw cywasgrannau. Maen nhw'n gwneud i newid momentwm y gyrrwr a'r teithwyr gymryd mwy o amser mewn damwain, sy'n lleihau'r grymoedd.
