KQZ vendos kundër rinumërimit të kutive të Fierit

Partia Socialsite e opozitës këmbëngul se nuk do të njohë rezultatin e zgjedhjeve nëse këto kuti nuk rinumërohen.

Anëtarët e KQY-së që votuan kundër thanë se kolegët e tyre po përdornin dy standarde në këtë rast duke e krahasuar me rastin e qarkut të Lezhës kur KQZ rinumëroi votat e gjashtë kutive të sjella pranë tij.

Por ata që votuan pro thanë se në Lezhë komisionerët e KZAZ-ve kishin lënë pa hartuar tabelën përmbledhëse dhe i kishin lënë pa numëruar gjashtë kutitë ndërsa në Fier, sipas tyre, komisionerët kishin marrë vendim të mos përfshinin votat e nëntë kutive në tabelat përmbledhëse që ata hartuan dhe se çdo vendimmarrje e KZAZ-ve ankimohet pasi KQZ-ja të ketë miratuar tabelën përfundimtare të rezultateve.

Përmes Gramos Rucit, kryetarit të Asamblesë Kombëtare të PS-së, socialistët thanë më parë se nuk do të njohin rezultatin e zgjedhjeve në shkallë vendi nëse nëntë kutitë e Fierit nuk rinumërohen dhe atyre nuk i njihet mandati i 9-të në këtë qark.