Muharem Nitaj korrespondent i BBC-së në Kosovë

	Amado vizitoi Prishtinën një ditë para udhëheqësit të trojkës, Ischinger

Në një situatë të tillë, sipas zotit Amado, Bashkimi Evropian nuk duhet të qëndrojë indiferent, por të ketë një angazhim për zgjidhjen e këtij problemi të rëndë.

“Presidenca e BE-së është shumë e angazhuar me të gjitha palët për të gjetur një zgjidhje për problemin që është problem i Evropës, sepse është në zemër të saj dhe BE nuk duhet të distancohet nga kjo", thotë Amado.

Presidenca e BE-së është shumë e angazhuar me të gjitha palët për të gjetur një zgjidhje për problemin që është problem i Evropës Luis Amado

Vizita e ministrit të jashtëm portugez, Amado, realizohet një ditë para vizitës së udhëheqësit të trojkës, Wolfgang Ischinger.

Sot, në Prishtinë, ai do të njoftojë autoritetet e atjeshme me formatin e takimit të parë të periudhës shtesë 120 ditëshe për Kosovën, që mbahet me 30 të këtij muaji në Vjenë.

Qëndrim jo lehtësues

Në fakt diplomati gjerman në Prishtinë do të ndeshet me një qëndrim jo shumë lehtësues të Prishtinës.

Dje qeveria e Kosovës vendosi të autorizojë kryeministrin e vendit, që në Vjenë të mos bisedohet për statusin, por për cështje që kanë të bëjnë me periudhën e pas statusit.

Në një situatë të tillë, përpjekja e trojkës ndërkombëtare për të gjetur një rrugë kompromisi në bisedimet ndërmjet Prishtinës dhe Beogradit, duket, pothuajse e pashpresë.