Nama achi buutee biiliyeenara Taanzaaniyaa eereef maatiin badhaasa qopheessan

Daataa qusachuuf barreeffama qofa dubbisi
Mohammaad Deewjiin Suuraa bara 2015tti ka'e

Madda suuraa, AFP

Ibsa waa'ee suuraa, Dureessi kun nama qabeenya doolaara biiliyoona 1.5 horateedha

Nama achi buutee biiliyeenara umurii xiqqaa Afrikaa lammii Taanzaaniyaa, Mohaammad Deewjii kan Kamisa darbe ukkaamfamee fudhatamee eereef maatiin Shilingii Taanzaaniyaa biiliyoona tokko badhaasna jedhan.

Dureessi umurii xiqqaa Afrikaa kun kamisa darbe magaalaa guddoo Taanzaaniyaa Daareesalaam keessatti hidhattoota of golganiin butaman.

Poolisiin namoota gocha kana waliin hariiroo qabu jedhee shakke 20 to'annoo jala oolcheera.

Kaayyoon itti dureessi kun ukkaamfamaniifi eessa akka geeffaman wanti beekame hin jiru.

Poolisiin biyyattii namoonni adiin lama butamuu nama kanaa duba jiru jedhee amana.

Nama butuun Taanzaaniyaa keessatti waan baratame miti.

Poolisiin konkolaataa dureessa kanaa sakatta'eera

Madda suuraa, EPA

Ibsa waa'ee suuraa, Poolisiin konkolaataa dureessa kanaa sakatta'eera

Mohaammad Deewjiin eenyu?

Akka barruun Foorbis kan dinagdee fi maallaqa irratti xiyyeeffatu jedhutti dureessi kun nama qabeenya doolaara biiliyoona 1.5 qabu horatedha. Biiliyeenara Taanzaaniyaan qabdu isa jalqabaas isa dhumaasii.

Bara 2017'ttis biiliyeenara Afrikaa umurii xiqqaa ittiin jedheera. Amma Deewjiin nama ganna 44 ti.

Skip Baay'ee kan dubbifame and continue reading
Baay'ee kan dubbifame

End of Baay'ee kan dubbifame

Isponsara garee kubbaa miilaa Taanzaaniyaa Simbaa Jedhamuutis.

Akka barruun Forbis jedhutti dureessi kun bara 2016tti walakkaa qabeenya isaa hojii gargaarsaaf gumaachuuf waadaa seeneera.