2021 Round up News: Ìròyìn BBC Yorùbá Marun-un ti o mígboro tìtì lọdún 2021

Ṣebi gbogbo ibi ni wọn ti n dana alẹ, eyi si ni ko jẹ ki ti ile iṣẹ BBC News Yoruba yatọ gẹgẹ bi ile isẹ iroyin yi kii jẹ ki eti yin di si awọn nnkan ti o n lọ lawujọ wa.

Idi ree ti a ni k a ran yin leti awọn iroyin gbankọgbi ti a ti muwa si eti igbọ yin ti ẹ si ti ri loju iworan yin yala lori atagba wa tabi lori atẹ ikansirẹni Facebook/Instagram wa.

Kẹrẹkẹrẹ ọjọ diẹ naa lo ku ti a ma dagbere fun ọdun 2021, ti a si maa wipe, o tun di arina ko, o tun di oju ala.

Asiko yii ni olukuluku yoo maa boju wo ẹyin lati woye nnkan ti wọn ti fi odidi oṣu mejila ṣe, bawo si ni wọn ṣe lo o?

Ṣe awọn se aṣeyori ni abi bawo ni awọn se bori awọn ijakulẹ to waye laarin ọdun ati bi wọn se ṣe ajọyọ awọn oriIre ti wọn le naka si.

Ìgbẹ́ ìdí ni Ajá fẹ́ lọ jẹ, ǹkan ọmọkùnrin olówó rẹ̀ bá wọ̀ọ́ lójú, bí àjá ṣe bù ú jẹ nìyí

Awọn Iroyin wa ti o milẹ titi fun ọdun 2021

Lara awọn oniruuru iroyin wa ti o migboro ni a ti ni ki a mu diẹ yii wa si iranti yin

Baba Ijesha

Ní inu osu kẹrin ọdun 2021 ni ariwo bẹrẹ si ni lọ soke sodo loju opo awọn gbajugbaja osere kan nipa akẹgbẹ wọn ti o se aṣemase pẹlu ọmọ kekere kan lara ọmọ ẹgbẹ wọn

Sugbọn laipẹ ni ọrọ yii di rant, lo di eyi ti a n gba bi ẹ ni gba igba ọti laarin awọn oseere ti o si fé pin awọn ọmọ ẹgbẹ iha kan si Ikeji

Iroyin naa ni pe James Omiyinka ti gbogbo eniyan mọ si Baba Ijesha lo lọ si ile ọrẹ rẹ Oluwadamilola Adekoya ti ọpọ mọ si Princess Comedia ti o si ṣe Aṣe maṣe nibẹ.

Ki a to wi ki a to fọ wọn fa Baba Ijesha le ọlọpaa lọwọ ti wan si fi ẹsun sisẹ ọmọde ti ko ti balaga basubasu

Lẹyin osu diẹ ti ọpọ awọn ajafẹstọ dide lori ọrọ naa ni wọ́n gba lati fi silẹ lahamọ ọlọpaa ti wọn si ti bẹrẹ si ni ṣe ẹjọ lati asiko naa lọ

Gbogbo bi ọ̀rọ̀ yii ṣe n lọ titi de ibi ti o de duro lasiko yii ni BBC News Yoruba mojuto

Diẹ lara awọn ila yii lo tọka si gbigbo iṣẹ ti a ṣe lori rẹ:

Bi Awọn ajọ DSS se lọ kọlu ile Sunday Igboho ni Ibadan

Ni ọjọ kini osu keje ọdun 2021, iroyin pe ikọ ọtẹlẹmuye ni Naijiria (DSS) ti lọ yabo ile ẹni ti o pe rẹ ni ajijagbarafun awọn ọmọ Yoruba Sunday Adeyemo ti ọpọ mọ si Sunday Igboho.

Gẹgẹ bi iroyin ṣe sọ, Sunday Igboho moribọ lọ awọn ikọ DSS sugbọn wọn ko awọn alabaṣiṣẹ pọ rẹ mejila lasiko naa ti wọpn si ko wọn da si ahamọ awọn DSS.

Ile Iṣẹ BBC News Yoruba moju to iṣẹlẹ yii pẹlu lẹsẹlẹsẹ.

Lẹyin eyi ni Sunday Igboho gbiyan lati rinrin ajo lọ si orilede Germanyu sugbọn to pinu lati gba orilede Benin lọ, Awọn ọlọpaa Benin mu ti ọrọ naa di ariwo lorilede Naijiria pẹlu Ibeere bi

Kilo se? kii ṣe ọdaran? Ẹ tu Sunday Igboho silẹ, sugbọ titi di asiko yii Sunday Igboho si wa ni ahamọ ẹwọn orilede Benin.

Diẹ lara awọn nnkan ti a se nipa rẹ ni a mu wa si iranti yin

Iwode Yorùbá Nation ni Ojota

Bí a se n run ti Suday Igboho lẹnu lọwọ ti ko tii kuna ni ti iwọde Yoruba Nation tun ti gbera sọ.

Asiko yii ni kọmisọna ọlọpaa nipinlẹ Eko sọ pe ko si ẹnikẹni ti o gbọdọ gbiyanju lati ṣe iwọde ifẹhonuhan kankan ni ipinlẹ Eko ati pe ẹni ti o ba dan iru rẹ wo yoo fi oju wina ofin.

Saaju ọjọ yii ni Sunday Igboho ati awọn ọmọ Yoruba miiran jakejado Naijiria ti da ọjọ kẹta osu keje ọdun lati se iwọde yii.

Sugbọn ọjọ kini odun keje ni awọn ikọ ajọ DSS yabo ile Sunday Igboho, sugbọn awọn ọmọ lẹyin rẹ ti o ku ni awọn yoo tẹsiwaju ninu iwọde naa.

Iwọde yii waye lootọ sugbọn, o mu ẹmi ọmọbinrin kan to n jẹ Jumoke lọ bi ibọn ọlọpaa se lo ba ni sọọbu ti o ti n taja ni agbegbe Ojota.

Lasiko yii bakan naa ni ọ\lopaa mu awọn eniyan mẹtadinlaadọta to wa lara awọn ti o kopa nibi iwọde naa.

Lara awọn nnkan ti BBC kojọ ni asiko naa ree

Iyabo Oko Se Aisan

Iroyin aisan Kudirat Odukanmi ti gbogbo eniyan mọ si Iyabo Oko naa jẹ ọkan lara awọn iroyin to ta kale ta ka oko ninu ọdun 2021 lati ile isẹ BBC News Yoruba.

Foluke daramola lo kọkọ ke gbajare sita pe awọn agabaagba osere ninu Nollywood n ṣe aisan ti ọpọ ko si kọbi ara si wọn

O ni Iyabo Oko wa lori idubulẹ aisan ti ko le gbe apa tabi gbe ẹsẹ.

Ko pẹ si asiko yii naa ni ọmọ rẹ jade sita lati tọrọ fun iranwọ ara ilu nitori pe ipo tri iya naa wa ni agbara gidi.

Iku Baba Suwe

Bi osu kọkanla ọdun se n poju de lọ ni ariwo tun ta pe irawọ kan tun ti ja, iyẹn gbajugbaja ninu osere tiata Yoruba Babatunde Omidina ti gbogbo eniyan mọ si Baba Suwe ti gbekuru jẹ lọwọ ẹbọra.

Baba suwe ku ni ọjọ kejilelogun, osu kọkanla ọdun 2022 lẹyin aisan ranp, ti wọn si ṣe isinku rẹ lẹyin ọjọ mẹjọ gẹgẹ bi ilana musulumi ti gbogbo eniyan mọ ni ẹsin oloogbe.

Lasiko isinku baba Suwe ọpọ awọn gbajugbaja osere lo peju sibi ayẹyẹ naa ti wọn si sọ iriri wọn lasiko ti wọn jẹ alabaṣiṣẹpọ fun oloogbe ọhun

eyi ni akojọpọ gbogbo awọn iroyin BBC lori isinku baba Suwe