West Ham vs Chelsea: West Ham fi omi àbùkù wẹ Chelsea láwọlé sùn, Arsenal yìnbọn pa Norwich

Abuku oloronbo ni ẹgbẹ agbabọọlu West Ham United fi kan Chelsea lalẹ Ọjọru ninu idije Premier League.

Tomas Soucek lo kọkọ gba bọọlu sawọn fun West Ham nigba ti ifẹsẹwọnsẹ naa di iṣẹju mẹrinlelọgbọn, ṣugbọn ẹrọ VAR wọgile goolu ọhun.

O kudiẹ ki ipele akọkọ ere bọọlu naa pari ni Willian gba pẹnariti wọle fun Chelsea eyi to mu wọn ṣiwaju ninu ifẹsẹwọnsẹ naa.

Amọ West Ham ko bẹṣu bẹgba nipele keji ere bọọlu ọhun, lẹyin iṣẹju mẹfa ti ipele keji gberasọ ni Michail Antonio dayo ti Chelsea gba wọle pada.

Gẹgẹ bi ẹ ti mọ pe Chelsea kii ṣe ẹran rirọ, Willian gba goolu mii wọle fun Chelsea, ni ere bọọlu ọhun ba di ọmi alayo mejimeji.

Ṣugbọn gudugbẹ ja nigba ti Andriy Yarmolenko gba goolu ẹlẹkẹta sawọn fun West Ham, nigba ti o ki iṣẹju kan pere ki ifẹsẹwọnsẹ naa pari, lọrọ ba di wo mi n wo ọ.

Esi ifeṣẹwọnsẹ yii ti jẹ ki Manchester United sun mọ Chelsea ni kaṣan ọrun ninu ereje fun ati kopa ninu idije UEFA Champions League ni saa bọọlu to n bọ.

Ẹwẹ, ẹgbẹ agbabọọlu Arsenal gbarada lẹyin ti wọn run Norwich mọlẹ jegejege ni papa isẹre Emirates pẹlu ayo mẹrin ọtọtọ sodo.

Ẹlẹsẹ ayo, Pierre-Emerick Aubameyang lo kọkọ ṣide goolu fun Arsenal ni bii iṣẹju mẹtalelọgbọn ti ere bọọlu naa gberasọ.

Lẹyin iṣẹju mẹrin ni agbabọọlu aringbungbun Granit Xhaka gba goolu keji sawọn fun awọn Gunners.

Aubameyang tun gba yo mii sawọn, ki Cedric Soares to fi ẹlẹẹkẹrin le.

Arsenal ti wa ni ipo kẹfa bayii lori tabili idije Premier League.

Koda gbajugbaja olorin, Florence Ifeoluwa Otedola ti ọpọ mọ si DJ Cuppy ti banujẹ pe nigba ti oun fi Arsenal silẹ darapọ mọ Man United ni Arsenal bẹrẹ si ni ṣe daadaa.

Niṣe lo n beere bo ya oun gan an lounṣe okunfa bi Arsenal ṣe n daku daji tẹlẹ.