Aṣọ́lé Arsenal Petr Cech yoo fẹ̀yìntì nìdí bọ́ọ̀lù nipari sáà yí

Gbajugbaja aṣọle ẹgbẹ agbabọọlu Arsenal Petr Cech ti kede pe oun yoo fẹyinti nidi ere bọọlu ni pari saa bọọlu yi.

Petr Cech ti o jẹ asọle fun ẹgbẹ Chelsea saaju ki o to lo dara pọ mọ́ Arsenal ni, asiko ti to lati kaṣẹ kikopa ninu ere bọọlu gẹgẹ bi aṣọle.

Lẹyin ti o lo ogun ọdun nidi ere bọọlu o fi ikede sita loju opo Twitter rẹ pe o ti to gẹ bayi.

Yatọ si Arsenal ati Chelsea, Cech tun ṣọle bọọlu fun Chmel Bisayn nibi ti o ti bẹrẹ ere bọọlu lọdun 1999, Sparta Prague lọdun 2001 ati Rennes .

Ni Rennes ni wọn ti ta lọ si Chelsea lọdun 2004 fun miliọnu meje pọun eleyi ti o jẹ owo to pọju lọ ti wọn san fun aṣọle lasiko naa ni Premier League.

Ọmọ orileede Czech Republic ni Petr, ti o si jẹ agbabọọlu ti o gba ifẹsẹwọnsẹ to pọju fun orileede rẹ ni igba mẹ́rìnlélọ́gọ́fà (124 Caps)

Awọn akẹgbẹ rẹ ati ikọ to gba bọọlu fun ti n ki ku orire:

Awọn iroyin miran ti ẹ le nifẹ si: