Ọ̀pọ̀ 'Olosho' àti àwọn ọmọbinrin tó ń ṣe 'hookup' ni ayélujára ti sọ di oníṣẹ́ gidi lọ́wọ́ - Peller
Gbajumọ ori ayelura, Habeeb Hamzat ti ọpọlọpọ eeyan mọ si Peller ti sọ pe ijọba ni ọpọlọpọ iṣẹ lati ṣe ;ati le ri i pe awọn ọdọ n lo ayelujara atawọn oju opo rẹ gbogbo lati pa owo lọna to ba ofin mu.
Peller sọ ọrọ yii lasiko to fi n ba BBC News Yoruba sọrọ.
Peller sọ pe ọpọ anfani wa ti awọn ọdọ bii toun le jẹ ni orilẹede Naijiria bi ijọba ba le gbe igbesẹ to ba yẹ ki awọn ọdọ le ṣamulo awọn ikanni ayelujara gbogbo fun idagbsoke ilu ati ara wọn.
Igbesi aye mi ni mo n gbe lori ayelujara
Oríṣun àwòrán, peller/instagram
Nigba to n sọ itan igbesi aye ara rẹ, Peller ṣalaye pe ọdun 2023 ni irinajo oun bẹrẹ lori ayelujara. o ni igbesi aye oun loun n gbe lori ayelujara nitoripe ohun ti oun n ṣelojumọ naa loun n ṣe, iyatọ ibẹ kan ni wi pe oun n gbe e si ori ayelujara fun araye lati ri.
"Nigba ti mo bẹrẹ, bii ki eeyan marun, mẹta maa wo mi lori ayelujara ni, maa dẹ tun maa pariwo tatata ni..."
o ni lọwọ yii nnkan ti ṣẹnure fun oun nitori pe Eleduwa ti fi ifẹ oun si awọn eeyan lọkan to bẹẹ gẹ to fi jẹ pe ki oun maa tii tan foonu oun ni, ọpọ eeyan ni yoo ti bo o lati wo oun lori ayelujara.
- Peller, gbajúmọ̀ Tiktok ṣàlàyé àṣírí àjọṣepọ̀ 'ọ̀rọ̀ ìfẹ́' tó wà láàrín òun àti Jarvis
- Ìjọba Eko ní kí Peller, gbajúmọ̀ sọ̀rọ̀sọ̀rọ̀ lórí ayélujára, san owó orí ₦36m, ariwo sọ
- Ṣó o Láyà: Peller kópa nínú ìdánwò tó dá lórí àṣà àti èdè Yorùbá
- Èyí làlàyé ohun tó ń fa ìwà ipá nínú ìdílé, àti bí o ṣe lè dẹ́kun rẹ̀
Nitori Tiktok gan awọn olosho ti dinku - Peller
Oríṣun àwòrán, peller/instagram
Gbajumọ ori ayelujara naa tun ṣalaye pe "itori Tiktok gan awọn olosho ti dinku" nigboro.
O sọ eyi nigba to n yannana awọn anfani to wa lori lilo ayelujara fun awọn ọdọ.
O ni fun oun o, lilo ayelujara ti di iṣẹ to si mu ọpọlọpọ ere ati owo wa fun oun.
