Marina Bridge repairs: Ìjọba ìpínlẹ̀ Eko kéde ṣíṣe àtúnṣe lórí rẹ̀ fún oṣù mẹ́ta
Oríṣun àwòrán, Others
Ìjọba ìpínlẹ̀ Eko ti kéde wí pé afárá Marina ni yóò wà ní títì pa fún ìgbà díẹ̀ kí ìjọba àpapọ̀ le ṣe àtúnṣe lórí ọ̀nà náà.
Èyí ní o ti bẹ̀rẹ̀ lọ́jọ́ Ajé, ọjọ́ kẹtàdínlógún, oṣù kìíní títí di ọjọ́ kejì, oṣù kẹrin, ọdún 2022.
Kọmíṣọ́nnà fún ètò ìrìnnà ní ìpínlẹ̀ Eko, Dókítà Frederic Oladeinde ní ipele méjì ni àtúnṣe náà yóò gbà wáyé.
Ó ní ipele àkọ́kọ́ yóò wáyé láàárín ọjọ́ kẹtàdínlógún, oṣù kìíní sí ọjọ́ kọkàndínlógún oṣù kẹta níbi tí àtúnṣe yóò ti máa wáyé lórí apá kan afárá náà tó n jáde láti Apapa.
- Àṣìta ìbọn ọlọ́pàá ba akẹgbẹ́ rẹ̀ tó ṣẹ̀ṣẹ̀ gbé ìyàwó, ikú dé!
- Hajiya Binta Balarabe Kubaus rí ẹ̀wọ̀n ọdún mẹ́wàá he lẹ́yìn tó lu jìbìtì ₦5.5m
- Oluwo: Ààrẹ Buhari, ẹ dájọ́ ikú fún gbogbo ẹni tó ń gbé òògùn olóró, agbésùnmọ́mi àti afinisoogun owo
- Irọ́ ni Tinubu ń pa o, PVC kìí parí iṣẹ́ – INEC
- Ẹlẹ́ṣin tó gbé òkú Ọba Wukari pọ̀n wọ inú igbó rèé o! Ó sọ ìrírí rẹ ó sì tún já irọ ìròyìn orí ayélujára nípa rẹ̀
Bákan náà ló ní ọjọ́ kẹwàá, oṣù kẹ́ta sí ọjọ́ kejì, oṣù kẹrin ni àtúnṣe yóò wáyé lórí apá kan afárá ọ̀hún tó ń wọ Apapa.
Oladeinde ṣàlàyé pé àwọn ọkọ̀ tó ń jáde láti Apapa ni wọn yóò máa darí gba RRS àti afárá Total, tí àwọn kéékèèké yóò máa gba Beach Marine gba ti ilé epo Mobil láti já sí afárá Ìjọrá tàbí kí wọ́n gba Leventis bọ́ sí Naval Dockyard láti bọ́ sí abẹ́ Afárá Total.
Ó fi kun un pé nígbà tí iṣẹ́ bá bẹ̀rẹ̀ ní apá keji tó wọ Apapa, wọn yóò máa darí ọkọ̀ láti ri dájú pé kò sí súnkẹrẹ fàkẹrẹ láàárín Afárá Total sí RRS.
Nígbà tó ń sọ àrídájú rẹ̀ pé iṣẹ́ ti ń lọ lọ́wọ́ lórí àwọn ọ̀nà wọ̀nyìí, Oladeinde ní àwọn òṣìṣẹ́ LASTMA yóò wà ní sẹpẹ́ láti ri dájú pé lílọ̀ bíbọ̀ ọkọ̀ jẹ́ ìrọ̀rùn.
Bẹ́ẹ̀ náà ló rọ àwọn awakọ̀ láti máa ṣe jẹ́jẹ́ lójú pópó nítorí kí lílọ̀ bíbọ̀ ọkọ̀ le rọrùn ní àtúnṣe náà wà fún.
