EFCC ṣàlàyé bí afurasí náà ṣe lu ará Amẹ́ríkà kan ní jìbìtì $135,800 ati $47,000

Ọwọ ajọ EFCC, ẹka ti ipinlẹ Enugu ti tẹ oluṣọagutan kan ti ajọ ọtẹlẹmuyẹ ilẹ Amẹrika, FBI ti n tọpinpin rẹ tẹlẹ.

Afurasi naa, Kelechi Anozie, to jẹ oludasilẹ ijọ Praying City Church to wa niluu Oweri, ko si gbaga EFFC lori ẹsun lilu jibiti lori ayelujara ati wiwọ ike, ti ọpọ eeyan mọ si 'waya-waya.'

Gẹgẹ bii ohun ti wọn sọ, ajọ FBI ti n wa pasitọ naa ṣaaju akoko yii ki awọn to kẹfin rẹ niluu Enugu.

Ninu atẹjade kan ti agbẹsunsọ EFCC, Wilson Uwujaren fi lede, o ni oludasilẹ naa atawọn afurasi mii, Valentine Iro, Ekene Ekechukwu, Bright Azubuike, ati Ifeanyi Junior ni awọn n wa.

Uwujaren ni ẹsun pe wọn lu ẹnikan to n gbe niluu Illinlois, nilẹ Amẹrika ni jibiti ayelujara, ti iye rẹ to $135,800 ati $47,000 ni awn n wa wọn fun.

Afurasi onijibiti ori ayelujara dero ẹwọn:

Ni iroyin miran, adajọ Muhammed Sani ti ile ẹjọ giga kan niluu Ilorin ti sọ ẹni ọdun mẹrinlelogun kan, Taiwo Emmanuel si ẹwọn oṣu mẹfa lẹyin to jẹbi ẹsun fifi ara rẹ pe ẹlomiran.

Afurasi naa wa lara awọn onijibiti ayelujara ti EFCC fi ṣikun ofin mu niluu Ogbomosho loṣu Kẹwaa, ọdun to kọja.

Emmanuel sọ fun awọn to n gba pe oun jẹ oniṣowo ati agbasẹṣe to n fi ilu Amẹrika ṣe igbugbe lọna ati fi ọna ẹburu gba owo lọwọ wọn.

Ninu idajọ rẹ, Adajọ Sani sọ pe ẹri to wa niwaju ile ẹjọ naa fi han gedegbe pe lootọ ni Emmanuel ṣe ohun ti wọn fi ẹsun rẹ kan.

Adajọ naa fi kun pe ẹsun naa lodi si ofin to rọ mọ lilu jibiti ori ayelujara ti wọn gbe kalẹ lọdun 2015.

Lara awọn dukia ti EFCC ka mọ afurasi naa lọwọ ni ẹrọ ilewọ iPhone X ati kọmputa alagbeka Lenovo kan.