PDP Primaries: PDP gbé ìwé ẹ̀rí àṣeyege fún Ademola Adeleke láti díje gómìnà ìpínlẹ̀ Osun
Eremọde lasan ni - Igun Dọtun Babayẹmi
Amọṣa igun keji ninu ẹgbẹ oṣelu PDP to fa Dọtun Babayẹmi kalẹ gẹgẹ bi oludije ẹgbẹ naa ti sọ pe awọn fọwọleran n wo ibi ti kangunkangun ọrọ naa yoo kangun si ni nitori pe awọn ni ile ẹjọ fun ni aṣẹ lati fa oludije ẹgbẹ naa kalẹ.
Oríṣun àwòrán, @Babayemi
Ninu ọrọ rẹ pẹlu BBC News Yoruba, agbẹnusọ fun igun ti Dọtun Babayẹmi, Alagba Kayọde Ọladeji ṣalaye pe ko sewu loko fun awọn afi giri aparo.
- 'Gbogbo ẹ̀yà ara Bamise Ayanwole ló pé nígbà tí mo rí òkú rẹ̀'
- A ti rí ilé ti à ń lọ lọ́ọ̀kán báyìí díẹ̀ ló kù - Ọ̀jọ̀gbọ́n Banji Akintoye lásíkò àjọyọ̀ ìtúsílẹ̀ Sunday Igboho
- Ademola Adeleke ní igun kíni PDP ní Osogbo fà kalẹ̀ gẹ́gẹ́ bí ọmọ oyè láti díje dupò gómìnà Osun
- Timothy Adegoke: Ìyàwó Timothy Adegoke jẹ́rìí nípa ọkọ rẹ̀ nílé ẹjọ́, gbọ́ nípa ìjà tó jà fún ọkọ̀ rẹ̀
- Ademola Adeleke ní igun kíni PDP ní Osogbo fà kalẹ̀ gẹ́gẹ́ bí ọmọ oyè láti díje dupò gómìnà Osun
- Ọkùnrin àkọ́kọ́ tó ṣàṣeyọrí lílo ọkàn ẹlẹ́dẹ̀ láti mi ti padà kú o!
Oríṣun àwòrán, Pdp
PDP gbé ìwé ẹ̀rí àṣeyege fún Ademola Adeleke láti díje gómìnà ìpínlẹ̀ Osun
Ademọla Adeleke ni igbimọ amuṣẹṣe ẹgbẹ oṣelu PDP fun ni iwe ẹri gẹgẹ bi omo oye ti yoo ṣoju ẹgbẹ naa ninu eto idibo apapọ.
Alaga ẹgbẹ oṣelu PDP, Iyorchia Ayu ati iagbakeji alaga apapọ ẹgbẹ oṣelu PDP lẹkun iwọ oorun guusu, Ambasadọ Taofeeq Arapaja lo gbe iwe ẹri aṣeyege idibo abẹnu naa le Sẹnetọ Ademọla Adeleke lọwọ.
- Ẹgbẹ́ NURTW dá MC Oluomo dúró gẹ́gẹ́ bí alága ẹgbẹ́ ní ìpínlẹ̀ Èkó
- Chidinma Ojuwu tó ń jẹ́jọ́ ikú Usifo Ataga gbadé obìnrin tó rẹwà jùlọ lẹ́wọ̀n! Ìdí rèé?
- Yàtọ̀ sí oorun àsùn-fọnfọn, wo àwọn ìdí tóo fi nílò ìbálòpọ̀ tó gbóná-giri
- Taa ni Firdauz Abdullahi, ọmọbabìnrin Kano tí yóò di olorì tuntun fún Oluwo?
L'owurọ Ọjọbọ, ọjọ kẹẹwa oṣu keta ọdun yii ni Ademọla Adeleke ati alaga ẹgbẹ oṣelu PDP n'ipinlẹ Ọṣun, Họnọrebu Sunday Bisi gunlẹ si olu ile ẹgbẹ oṣelu naa to n bẹ ni agbegbe Wadata, niluu Abuja.
Oríṣun àwòrán, Pdp
Igun Dotun Babayemi tun salaye pe:
O ni nitori pe gbogbo ọna ti ofin la kalẹ ni awọn tọ.
Ati pe, o si daju pe lẹyin o rẹyin Dọtun Babayẹmi ni yoo dije fun PDP nibi eto idibo gomina nipinlẹ Ọṣun eleyii ti yoo waye oṣu keje ọdun 2022.
Bawo lọrọ naa ṣe wọ wa lati ipilẹ?
Ni ọjọ Iṣẹgun, ọjọ kẹjọ oṣu kẹta ọdun 2022 ni idibo abẹnu ẹgbẹ oṣelu PDP nipinlẹ Ọṣun waye lati le e mọ ẹni ti yoo dije fun ipo gomina ipinlẹ naa labẹaṣia ẹgbẹ ọselu ọhun.
Amọṣa kakaki eto naa waye loju kan, igun meji ọtọọtọ lo ṣe eto idibo abẹnu tiwọn nibudo ọtọọtọ.
Awọn igun to fara mọ Sẹnetọ Ademọla Adeleke wa ni papa iṣire ilu Oṣogbo nibi ti wọn ti yan Sẹnetọ Ademọla Adeleke.
Bakan naa lawọn tọ rọgbọku le Dọtun Babayẹmi pẹlu ṣe tiwọn ni ibudo igbalejo WOCDIF nib ni wn si ti dibo yan Dọtun Babayẹmi
Iṣẹlẹ naa lo ṣafihan aisi iṣọkan eyi to ti n gbilẹ lẹgbẹ oṣelu PDP nipinlẹ Ọṣun fun igba diẹ bayii.
