Nigerian Labour Congress: Ewú ńbẹ! tí ìjọba ìpínlẹ̀ bá sàkóso gbèndéke owó oṣù òṣìṣẹ́,wọ́n ò ní san N30,000, N10,000 ní wọ́n má á san

Ẹgbẹ awọn oṣiṣẹ ni Naijiria ti ni awọn yoo bẹrẹ ifẹhọnu tako igbese awọn asofin lati gbe aṣẹ gbedeke owo oṣu oṣiṣẹ kuro ni ọdọ ijọpa apapọ lọ si abẹ aṣẹ ipinlẹ.

Eyi ko ṣẹyin abadofin ti ile aṣofin n da aba lati gbe aṣẹ kuro ni abẹ ijọba apapọ lọ si abẹ aṣẹ ijọba ipinlẹ wọn, ti wọn n pe ni ''Exclusive List to Concurrent List''.

Alaga ẹgbẹ awọn oṣiṣẹ, Ayuba Wabba ni iwa ijẹkujẹ awọn oloṣelu lo mu ki wọn fẹ fi iya jẹ awọn oṣiṣẹ ni Naijiria.

Wabba ni awọn ijọba ipinlẹ yoo san owo perete fun awọn oṣiṣẹ wọn ti wọn ba gba wọn laaye lati ma a san owo oṣu oṣiṣẹ.

''Abẹ ofin agbaye ni o wa wi pe ijọba apapọ ni yoo ma a ṣeto gbendeke owo osu awọn oṣiṣẹ kii ṣe ijọba ipinlẹ''

'Wabba ni: 'Nitori naa, a ko ni gba ki awọn aṣofin rẹ wa jẹ nitori iwa ijẹkujẹ ati ifiyajẹ ara ilu ti wọn ma n ṣe''

''Labẹ ofin Naijiria, owo kan naa ni awọn oloṣelu ti wọn n yan si ipọ n gba lai wo ọrọ ajẹ tabi awọn alakalẹ miran''

Ni afikun, adari ajọ naa ni: ''Kilode to wa jẹ ọrọ awọn oṣiṣẹ to yẹ ko pọn dandan fun wọn ni wọn yoo wa ma a dinku''

''Nitori ti a ba fi awọn ipinlẹ silẹ ki wọn ma a pa aṣẹ lori gbendeke owo osu oṣiṣẹ, awọn miran ko ni san 30,000 naira gẹgẹ bi gbendeke, 10,000 naira ni wọn yoo maa san.''

Wabba ni: ''Nitori naa ni a gbọdọ tako abadofin naa nitori ipinya ni wọn fẹ mu ba awọn oṣiṣẹ, bi awọn oṣelu ṣe n pin awọn eniyan nipa ẹsin ati ẹya ni Naijiria''

Bakan naa ni Alaga ẹgbẹ awọn oṣiṣẹ, Ayuba fikun wi pe ni Ọjọọru, ọṣẹ to n bọ ni awọn yoo bẹrẹ ifẹhọnuhan kaakiri awọn ipinlẹ ni orilẹ-ede Naijiria ni awọn ile aṣofin kaakiri Niajiria ati ile Asofin ni ilu Abuja.