Kogi Election: Dino Melaye fẹ́ mọ bí ayédèrú ọlọ́pàá ṣé borí ọlọ́pàá gidi lásìkò ìdìbò Kogi

Oludije fẹgbẹ oṣelu PDP ninu idibo atundi Sẹnẹtọ fun ẹkun idibo iwọ oorun ipinlẹ Kogi, Dino Melaye ti ko ẹri lọ ba ajọ eleto idibo INEC lati ṣafihan magomago to waye lasiko idibo Kogi laipẹ yii.

Lọjọru ni Dino Melaye lọ pade oludari agba fẹka iroyin ati idanilẹkọ awọn oludibo labẹ ajọ INEC, Ọgbẹni Festus Okoye, ti o si gbe awọn ẹri naa to wa lori fọnran fidio DVD mọkanlelogun le lọwọ.

Dino Melaye ni pẹlu ẹri ti oun mu wa yii, ohun ti oun fẹ ni ki INEC wọgile idibo to waye naa.

Bakan naa lo fi iwe ifẹhonuhan tẹle awọn ẹri to mu wa, eleyi ti agbẹjọro rẹ, Tobechukwu Nweke buwọlu.

Lara ohun to sọ ninu iwe ẹsun rẹ ni pe ''iwa janduku, jiji apoti idibo gbe ati awọn aiṣedeede mii waye lasiko idibo naa, to fi mọ iwa ipaniyan, ti mo si fi ẹri rẹ sinu fọnran fidio ti mo mu wa, mo si n parọwa si INEC lati wọgile idibo naa''

Melaye tun bẹnu atẹ lu ọrọ ọga ọlọpaa Naijiria to sọ pe awọn oloṣelu lo ran asọ fawọn ayederu ọlọpaa to da ibo ru lawọn ibi kan ni Bayelsa ati Kogi.

Dino Melaye ni, ti iru nkan bayi ba ti n ṣẹlẹ ni Naijiria, ko si ireti pe aabo to peye le e wa fara ilu.

Awọn oṣiṣẹ ajọ INEC to gba iwe ẹsun ati ẹri to muwa lọwọ rẹ sọ fun pe, awọn yoo ṣe ayẹwo iwe ẹsun to mu wa naa.

Àwọn iròyin tì ẹ leè ní ìfẹ̀ síí:

INEC ti ṣaaju kede pe idibo ipo Sẹnẹtọ ti Dino Melaye ati Smart Adeyemi ti ẹgbẹ APC dijọ du ko kẹsẹjari.

Ajọ INEC naa ni nitori idi eyi, atundi ibo yoo waye lawọn ibi ti kudiẹ kudiẹ ti waye lasiko idibo.