CPC: Irẹsì oloro ti wọ́pọ̀ ní àwọn ṣọ́ọ́bù Akwa Ibom

Awọn ikọ ajọ to n ri si ẹtọ àwọn onibàára ni orilẹede Naijiria (CPC) pẹlu iranlọwọ ajọ aṣọbode, ati awọn ọlọpàá ti ya bo awọn ṣọ́ọ́bù kan ni Uyo, olu ilu Ipinlẹ Akwa Ibom, ni bi ti wọn ti ja awọn irẹsi oloro kan gba.

Olori ajọ CPC, Babatunde Irukera ni o sáájú ikọ to lọ Uyo, ni bi ti wọn ti ri bi wọn ṣe n ta àwọn irẹsi naa.

Irukeruka ni awọn ri irẹsi oriṣiriṣi ti o n rùn, ti wọn tun fọ̀ lẹ́yin eyi ti wọn wa sa wọn sinu òòrun nibi ti eku ti n yagbẹ sori rẹ. O ni lẹyin ti wọn ba sa irẹsi naa tan ni wọn yoo wa ko pada sinu apo, ti wọn yoo si wa taa fun awọn ara ilu.

Irukera ni bo ti lẹ jẹ pe awọn irẹsi naa ko dara, ti wọn ba ti fọ̀ọ́ tan, ṣe ni awọn onibara yoo ro pe irẹsi daradara ni.

O tun sọ pe nigba ti awọn wo awọn iresi ti wọn ti di sinu apo lati ta, ṣe ni wọn ri pe irẹsi alawọ̀ oriṣiriṣi lo wa ninu wọn, eyi to fi han pe, oniruuru irẹsi ni wọn n da pọ soju kan.

Olori ajọ CPC naa ni oun ti oju wọn ri ni awọn ṣọ́ọ́bù Uyo ba'ni l'ẹru jọjọ.

Àwọn iròyin tì ẹ leè ní ìfẹ̀ síí:

Ẹ ó ranti pe ni ọjọ́ Ajé tó kọjá ni Mínísítà fún Ètò Ọ̀gbin, Audu Ogbeh ké gbàjarè pé orílẹ̀èdè kan ń pèsè ìrẹsì olóró.

Ijọba Apapọ sọ ni igba naa pe awọn yoo ti ibode orilẹede Naijiria pẹlu orilẹede naa lati dẹkun kiko irẹsi oloro naa wọle lati ibẹ.

Ṣugbọn bawo ni irẹsi buruku wọnyii ṣe wọ Naijiria ti o si di tita lori igba?

Olori ajọ CPC ni, o dabi ẹni pe awọn kan ko ṣiṣẹ wọn to ni o.