Тереза у дунёдан мўъжиза кўрсатмоқда

Католикларга кўра, Тереза Она ҳақига дуо қилганлар гуноҳдан ҳам, дарддан ҳам қутуладилар.

Сурат манбаси, AFP

Сурат тагсўзи, Католикларга кўра, Тереза Она ҳақига дуо қилганлар гуноҳдан ҳам, дарддан ҳам қутуладилар.

Тереза Она ўлганидан кейин ҳам "кўрсатган" иккинчи мўъжизаси - мия ўсмасини даволаш, деб айтилмоқда.

Ватиканнинг ишонишича, 2008 йили миясида бир нечта ўсмаси бўлган бразилиялик эркак Тереза Она шарофати билан "кўрмагандек" бўлиб кетган.

Католиклар папаси Франциск энди Тереза онани бемалол келаси йили эълон қилинадиган авлиёлар рўйхатига кирита олишини айтмоқда.

Кўп йиллар Ҳиндистондаги камбағалларга ёрдам берган Тереза Она 1997 йили вафот этганди.

Бироқ 2003 йили католик черкови уни муқаддас, деб эълон қилади.

Бу - католиклар назарида марҳуманинг жаннатга киришини кафолатлайди.

Католикларнинг ишонишича, муқаддас, деб эълон қилинган Тереза Она учун дуо қилган ҳар бир кишининг гуноҳ ё дардлардан қутулиши йўлида марҳума нариги дунёдан туриб ҳам ёрдам бера олади.

Илк "мўъжиза"

Skip Энг кўп ўқилган and continue reading
Энг кўп ўқилган

End of Энг кўп ўқилган

Ҳиндистоннинг Калкутта шаҳридаги хайрия ишлари учун Тереза Она ўз вақтида Нобель мукофоти ҳам олганди.

Аммо католиклар Тереза Онани илоҳийлаштириш йўлида у тириклигида "амалга оширган" мўъжизалирини расмийлаштиришмоқда.

Масалан, 2003 йили уни муқаддас, деб эълон қилишаркан, Ҳиндистондаги "мўъжизасини" бунга асос қилиб олишган.

Ватикан ўшанда "қандайдир илоҳий куч ёрдамида Тереза Она бир ҳиндистонлик аёлнинг қорнидаги ўсмасини даволаганини" таъкидлаганди.

Бироқ ҳиндистонлик кўплаб олимлар бу "мўъжиза"ни савол остига олишган.

Тереза Онанинг иккинчи мўъжизаси бўлмиш бразилиялик эркак ҳақида эса маълумотлар кўп эмас.

Унинг шахси эълон қилингани йўқ.

Фақатгина бу бемор қатнаган черков роҳиби Тереза Онадан ёрдам сўраб дуо қилган ва дуоси ижобат бўлиб, боёқиш касал миясидаги ўсмалардан фориғ бўлгани айтилмоқда.

1910 йили Македонияда туғилган Агнес исмли қизча улғайиб, "Хайрия Миссионерлари" гуруҳини тузади ва Ҳиндистондаги Калкутта шаҳрида қашшоқларга ёрдам бера бошлайди.

Шу асно у Тереза Она номини олади.

Бироқ кўпчилик роҳибанинг мўъжиза кўрсатиш қобилиятини савол остига олади.

Танқидчиларига кўра эса, Тереза Она диктаторлар билан ишлаган ва католик ақидапарастлигини кучайтиришга ҳисса қўшган.

Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02.

ТЕЛЕГРАМДА ЭСА каналимиз -telegram.me/bbcuzbek ёки BBCUZBEK

Instagram - BBC UZBEK

Twitter - BBC UZBEK

Odnoklassniki - BBC UZBEK

Facebook- BBC UZBEK

Google+ BBC UZBEK

YouTube - BBCUZBEK (https://www.youtube.com/user/bbcuzbek)

Skype - bbcuzbekradio