АҚШда мусулмон болакай, Белгияда футбол ишқибозлари - Исроил ва Ҳамас можароси дунё бўйлаб ҳужумларга сабаб бўлмоқда - Янгиликлар Yangiliklar

Бриджвюдаги масжидга одамлар тўлиб кетти.
Сурат тагсўзи, Бриджвюдаги масжидга одамлар тўлиб кетти.

Душанба куни АҚШнинг Чикаго шаҳридаги Бриджвю мавзеси одамларга тўла бўлди.

Полицияга кўра, 6 яшар Вадея ал-Фаюме исмли болакай мусулмон бўлганлиги учун ўлдирилди. Вадея онаси билан ижарада яшаган уйнинг 71 яшар эгаси болакайнинг жанозаси ўқилаётганда судга олиб келинди.

Исроил ва Ғазо зиддияти: Эрон қаттиқ огоҳлантирди - уруш кенгайиши муқаррарми? Янгиликлар

Янгиликлар. Исроил-Ғазо уруши: Путинга энди яхши бўладими?

Янгиликлар. Ғазо: Ҳамас қўрқмайдими? ПОДКАСТ

Айтилишича, Жозеф Жуба Исроил ва Ҳамас урушидан таъсирланган бўлган.

Вадеянинг онаси - 32 ёшли Ҳанаан Шаҳин ҳам Жубанинг пичоқ ҳужумида оғир яраланган ва ҳозирда касалхонада қолмоқда.

Боланинг тоғаси Юсуф Ҳанноннинг айтишича, жаноб Жуба ва она-бола ўртасида аввал афтидан ҳеч қандай зиддият сезилмаган.

Skip Энг кўп ўқилган and continue reading
Энг кўп ўқилган

End of Энг кўп ўқилган

Она-бола Жуба эгалик қилувчи уйда икки хонани ижарага олиб яшаб келганлар. Бир неча ҳафта аввал Жуба ҳатто Вадеянинг туғилган кунига келганди, дейди унинг тоғаси.

"У ҳамма билан яхши муносабатда бўлди, айниқса бола билан, ҳудди неварасидек қаради. Унга совғалар, ўйинчоқлар олиб келганди", - дейди у.

Вадея яқиндагина олти ёшини кутиб олганди.

Сурат манбаси, Reuters

Сурат тагсўзи, Вадея яқиндагина олти ёшини кутиб олганди.

Вадея АҚШда туғилганди, онаси эса 12 йил аввал Фаластиндан АҚШга кўчиб келган.

Судда айтилишича, Жуба Ҳанаан Шаҳиндан "Қуддусда бўлаётган воқеалар" туфайли ғазабланган. "Аёл унга "тинчлик учун дуо қилайлик" деганида, Жуба унга ва ўғлига пичоқ билан ҳужум қилган", деди прокурор Майкл Фитжералд.

Прокурорларга кўра, Жуба консерваторларнинг радио эшиттиришларини тинглаган ва ўз уйида фаластинлик оила яшаётганидан борган сари ваҳимага тушган.

Суд ҳужжатларига кўра, Жубанинг аёли ўз эри уларга Яқин шарқлик одамлар ҳужум қилиши мумкинлиги ва АҚШ энергетика тизими ҳужумга олинишидан хавотирга тушиб, банкдан 1000 доллар ечиб олган.

Америка-Ислом муносабатлари кенгашига оила томонидан юборилган смслардан аён бўлишича, Жуба аёлни пичоқлагач, уни бўғиб "Сен мусулмонлар ўлишинг керак", деб айтган.

Белгиядаги ҳужум

AFP via Getty Images

Сурат манбаси, AFP via Getty Images

Сурат тагсўзи, Брюсселдаги "King Baudouin" стадионида Белгия-Швеция ўйини тўхтатилди.

Айни дамда Белгия пойтахти Брюсселда полиция душанба куни икки кишини ўлдирган ҳужумчини отиб ўлдирди.

45 ёшли Абдесалем Лассуед Шаербек мавзесидаги кафеда отиб ўлдирилган.

Душанба куни кечқурун юз берган ҳужумда икки Швеция фуқароси нобуд бўлган ва бир киши жароҳат олган.

Икки швед ўз терма жамоаларининг Белгияга қарши Евро 2024 футбол турнири саралаш ўйинини томоша қилиш учун Брюсселга келган бўлганлари ишонилади. Уларнинг эгнида Швеция футбол устбошлари бўлган.

Ҳужумчи асли тунислик бўлиб, Белгияда бошпана аризаси рад этилгач, ноқонуний яшаб келгани ишонилади.

Ижтимоий тармоқлардан олинган ва Би-би-си томонидан тасдиқланмаган видеода афтидан милтиқ кўтариб олган киши мотоциклдан тушгани ва шиша деворли бинога кириб ўт очгани кўринади.

Тўқ сариқ курткадаги ҳужумчи милтиқ билан одамларни қувлаётгани видеода акс этган.

Сурат манбаси, Screenshot

Сурат тагсўзи, Тўқ сариқ курткадаги ҳужумчи милтиқ билан одамларни қувлаётгани видеода акс этган.

У ҳужум ортидан ижтимоий тармоқларда видео чоп қилган ва Оллоҳ номига "уч киши"ни ўлдирганини даъво қилган. Прокуратура у ИШИДдан илҳомланган бўлганига ишонишини билдирди.

Белгия Ички ишлар вазири Аннелиес Верлинден Абдесалем Лассуед ёнида топилган қурол душанба кунги ҳужумдаги қурол билан бир хил эканини айтган.

Швециялик футболчилар УЕФАга иккинчи таймни ўйнаш истаклари йўқлигини билдиришган ва Белгия жамоаси бунга рози бўлган, дейилади швед матбуоти хабарларида.

https://t.me/bbcuzbek

BBC.COM/UZBEK

Telegramda bog'lanish raqami +44 7858860002