Путин ва Пригожин ўтган ой учрашишгани ошкор этилди - келишув нима бўлган? Rossiya Putin Dunyo Yangiliklar

Кремлга кўра, Президент Путин Вагнер гуруҳи исёнкор раҳбари Евгений Пригожин билан ўтган ойда учрашган.

Кремль воизи Дмитрий Песковга кўра, Пригожин дохил 35 кишилик гуруҳ Москвага таклиф этилганди.

Пригожин исёни 23 июнь куни бошланган ва бир кеча-кундуз давом этган.

Келишувга мувофиқ, Пригожинга қарши айбловлар бекор қилинган ва Беларусга кўчиш таклиф этилган.

Алоқадор мавзулар:

Вагнерчилар ва Россия мудофаа вазирлиги ўртасидаги урушни олиб бориш борасида зиддиятлар чиққанди.

Пригожин вазирлик унинг гуруҳи учун керакли ўқ-дорини етказиб бермаганликда айблаганди.

Дмитрий Песковга кўра, исёндан беш кун ўтиб, Путин Вагнер раҳбарини Кремлга таклиф этган.

"Путин қўмондоннинг изоҳларига қулоқ тутди ва уларнинг келажакдаги иши қандай бўлиши ва жангларда улардан фойдаланиш борасида таклифларини берди".

Кремль воизига кўра, Пригожин Президент Путин билан учрашувда Вагнер гуруҳи уни тўлиқ қўллаб-қувватлашини билдирган.

Пригожиннинг ҳозир қаердалиги номаълум.

Исёнга барҳам бериш учун воситачилик қилган Беларусь Президенти Александр Лукашенко ўтган ҳафта, у ҳамон Россияда, деганди.

Би-би-си Пригожиннинг шахсий учоғи июнь ойи охирида Беларусга учгани ва ўша тундаёқ Россияга қайтганини аниқлаганди.

Вагнер ёлланма гуруҳи Украина уруши бошланганидан бери у ердаги жангларда қатнашади.

Исёнкор қўмондон Президент Путинни бевосита абйламаган, аммо Вагнер исёни Путин бошқаруви даврида унинг ҳокимиятга раҳна солиши мумкин бўлган энг йирик амаллардан бири сифатида кўрилади.

https://t.me/bbcuzbek

BBC.COM/UZBEK

Telegramda bog'lanish raqami +44 7858860002