Украина-Россия: Путин Макронга ваъда берганмиди ёки йўқ? Video Rossiya Ukraina Dunyo Yangiliklar
Сурат манбаси, Reuters
Франция президентининг Киевда айтишича, Путин ўзига янги эскалация бўлмаслигини ваъда қилган. Россия томонига кўра эса, кафолат ҳақида сўз бормаган. Икки музокарачи томоннинг баёнотларидаги қарама-қаршилик кўпчиликнинг эътиборини ўзига тортмай қолмаган.
Таҳлил:
Алоқадор мавзулар:
Ўзи нима гап бўлганди?
Сурат манбаси, official
Эммануэль Макрон Украинага сафар қилмасидан аввал Москвада борган.
Россия пойтахтида президент Путин билан олти соатча музокара қилган.
Аммо ҳар икки томон ҳам тафсилотлари борасида деярли тўхталишмаганди.
Франция президенти Москвадаги мулоқоти тафсилотлари борасида Киевда кўпроқ гапирган.
Унинг айтишича, Путин Россия кучлари Украина чегараси яқинида тангликни кучайтиришмайди, деб ўзини ишонтирган.
Россия раҳбарининг, "Вазият издан чиқмаслиги ёки эскалация бўлмаслигига оид кафолатини олган".
Эммануэль Макрон бу ҳақда Украина президенти билан учрашуви арафасида журналистларга гапирган.
Аммо Россия бунинг ортидан кафолат ҳақида сўз бормаганини айтиб чиққан.
Расмий Москва Украинанинг НАТОга киришига қарши.
Дунёдаги энг йирик бу ҳарбий альянснинг Шарқий Европада, ўз чегаралари яқинида кучайишини ҳам хоҳламайди.
Аммо Ғарб расмий Москванинг бу талабларини рад этган.
Ким нима дейди?
Сурат манбаси, Getty Images
Россия Украина билан чегараси яқинида 100 мингдан ошиқ ҳарбийсини ушлаб турибди.
Аммо Украинага ҳужум қилиш режам йўқ, дейди.
Америка томонининг ишонишича, Россия Украинага бостириб киришга деярли тайёр.
Бунинг учун лозим бўлган ҳарбий салоҳиятининг 70 фоизини аллақачон тўплаб бўлган.
Франция президенти душанба куни Москвада Путин билан учрашган бўлса, эртасига Украинага борган.
Пойтахт Киевда Украина Президенти Владимир Зеленский билан бирга қўшма матбуот анжумани берган.
Эммануэль Макрон ҳозир Украина ва Россия ўртасидаги музокараларни олдинга силжитишнинг имконияти эканини айтган.
Мавжуд тангликни юмшатишнинг "аниқ ечимлари" борлигини баён қилган.
Франция жорий пайтда Европа Иттифоқининг амалдаги президенти бўлади.
Украина президенти эса, Путинни бунинг учун жиддий чоралар кўришга ундаган.
Владимир Зеленский ўзининг "қуруқ гапларга ишонмаслиги"ни айтган.
"Ҳар бир сиёсатчи аниқ қадамлар қўйиш билан ўзининг кимлигини кўрсатишига ишониши"ни баён қилган.
Унинг бу сўзларига расмий Кремлнинг муносабати ҳозирча имконсиз.
Франция президенти Киевдан тўғри Берлинга учган.
У ерда Германия ва Польша лидерлари билан кўришган.
Учовлон биргаликда яна Украинанинг суверенитетини қўллаб-қувватлашган.
Учрашув Веймар учлиги гуруҳининг саммити доирасида кечган.
Бу гуруҳга бундан 31 йил олдин, Совуқ уруш тугаши ортидан асос солинган.
У Европа тўқнаш келиб турган замонавий таҳдидларга бас келиш мақсадида тузилган.
08.02.2022
Украина, Путин: Бу урушда ғолиблар бўлмайди - видео
Пойтахт Москвада Путин-Макрон музокаралари тугади. Франция президенти тангликни юмшата олмади. Макрон тил топишиш учун ҳал қилувчи кунлар олдинда эканини айтди. АҚШ Россия Украинага тўсатдан бостириб киради, деб турибди.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост, 1
Украина: Хитой Россия тараф. 'Жасадли видео'?.. ёки Россия уруш учун баҳона ахтараяптими?
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост, 2
Москвадаги учрашув
Сурат манбаси, official
Путин ва Макрон қарийб олти соатча гаплашишди.
Россия Украина билан чегарасига қўшин ташлаши ортидан Путин Москвада бирор бир Ғарб раҳбари билан мулоқот олиб бормаганди.
Бир неча соатлик музокаралар ортидан ҳам Франция президенти ҳалича тил топа олмаганликларини эътироф этди.
Украина юзасидан мавжуд тангликни юмшатиш учун ҳал қилувчи кунлар ҳали олдинда эканини айтди.
Бунинг учун жадал мулоқотлар лозим эканини таъкидлади, бу ишни биргаликда уддалашларини ҳам қайд этди.
Россия президенти эса, музокаралар жараёнида бирмунча олдинга силжишганини айтиш билан кифояланди.
Аммо Путин бунинг айнан нимани англатиши тафсилотларига тўхталмади.
Россия президентига кўра, Макроннинг айрим таклифлари "биргаликда қўяжак қадамларига асос бўлиши мумкин".
Аммо Путин айни ўринда ҳам бу ҳақда гапиришга ҳали жуда эрта эканини таъкидлаб, гапни калта кесди.
Бугун, сешанба куни Франция президенти Украинага сафар қилади.
Киевдаги музокаралар ортидан Макрон ва Путин яна мулоқот қилишади.
Франция жорий пайтда Европа Иттифоқининг амалдаги президенти бўлади.
Путин яна огоҳлантирди
Сурат манбаси, official
Путин Франция президенти билан музокаралари чоғида ҳам Украинани НАТОга олмаслик билан огоҳлантирган.
Қримни куч билан қайтариб олишга ҳаракат ҳам қилиб ўтирмасликлари кераклигини айтган.
Россия президенти акс ҳолда Европа йирик можарога бош суқажагини билдирган.
"Франция Россия билан урушишини истайсизми", - дея француз журналистларидан сўраган Владимир Путин.
"Худди шундай бўлиши ҳам мумкин ва бу урушда ғолиблар бўлмайди", - дея Россия президенти ўзининг саволига ўзи жавоб берган.
Расмий Москва шу пайтгача Украинага бостириб кириш режаси ва нияти йўқлигини таъкидлаб келади.
Аммо Россия Украина билан чегарасида яқинида 100 мингдан ошиқ ҳарбийсини тўплаб турибди.
Ғарбнинг бундан хавотири кучайиб бормоқда.
АҚШ ва НАТО ҳозир Россия Украинага исталган пайтда бостириб киради, деган тўхтамда.
Расмий Москва Украинанинг НАТОга киришига қарши.
Дунёдаги энг йирик бу ҳарбий альянснинг Шарқий Европада, ўз чегаралари яқинида кучайишини ҳам хоҳламайди.
Аммо Ғарб расмий Москванинг бу талабларини рад этди.
Бунинг ўрнига ядровий арсеналларини қисқартириш каби иккиламчи мавзуларни муҳокама қилиш истагида.
Иддаолар
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост, 3
Америкалик мулозимлар якшанба куни Россия Украина билан урушга деярли тайёр эканини баён қилиб чиқишган.
Россия бунинг учун лозим бўлган ҳарбий салоҳиятининг 70 фоизини тўплаганини иддао қилишган.
Аммо таянган маълумотлари ҳассос эканини айтиб, ўз сўзларига бирор бир исбот-далил келтиришмаган.
Кеча, душанба куни Жо Байден Вашингтонда Германия канцлери билан учрашган.
Худди шу музокаралари ортидан Москвани яна бир бор огоҳлантирган.
Украинага бостириб кирган тақдирда, энди Россиянинг Германияга узанган муҳим газ қувурини ёпиб қўйишлари билан таҳдид қилган.
Британия Бош вазири эса, Россияга қарши санкцияларни қўллашига ишора қилган.
Буюк Британия минтақага Қироллик Ҳаво Кучларининг қирувчи самолётлари ва Қироллик Денгиз Кучларининг ҳарбий кемаларини ҳам минтақага юбориш масаласини кўриб чиқаётганлигини айтган.
Бу ҳақда бугун, сешанба куни The Times газетаси хабар берган.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
