Ўзбекистон ва коронавирус: Covid – 19 қачон йўқолади? O'zbekiston, koronavirus
Сурат манбаси, official
Ўзбекистон ва коронавирус: Covid - 19 қачон йўқолади? - Ўзбекистон карантин чораларини яна босқичма-босқич бекор қилмоқчи.
Сенат раисининг бу баёноти Ўзбекистонда кучайтирилган карантин тартиби 15 августга қадар амалда бўлган бир манзарада янгради.
Мамлакат аҳолиси орасида коронавирус ва пневмониянинг қанчалик кенг тарқалиб бораётганига оид гап-сўзлар эса, ҳануз тинмаган:
Коронавирус: Шавкат Мирзиёев огоҳлантирди, аммо яхши хабар бор - Ўзбекистон, дунё - видео
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Ўзбекистонда жаъми коронавирус ҳоллари билан боғлиқ расмий рақамлар 29 мингга яқинлашган.
Мамлакат аҳолиси орасида коронавирус баробарида асоратлари ундан-да оғир экани айтилаётган пневмония ҳам тарқалишда давом этмоқда.
Ҳатто етти юздан ошаётгани кузатилаётган кундалик рақамлар ҳам хасталик тарқалиш шиддатининг ҳануз пасаймаганига далолат қилади.
Мустақил экспертлар ва оддий ўзбекистонликларнинг ўз кузатувларига асосланган ҳисоб-китоблари эса, ҳақиқий рақамларнинг расмийсидан анча кўп экани тасаввурини беради.
Сурат манбаси, qalampir.uz
Сенат раисининг карантин билан боғлиқ сўнгги баёноти Олий Мажлис Сенатининг жума кунги олтинчи ялпи мажлисида янграган.
Мажлис Қорақалпоғистон Республикаси Жўқорғи Кенгеси раиси Муса Ерниязов ва Ўзбекистондаги барча коронавирус қурбонлари хотирасига бир дақиқалик сукут сақлаш билан бошланган.
Ўзбекистонда коронавирус расман шу йилнинг 15 март куни илк бор қайд этилган бўлса, ҳозирга келиб ундан ўлим ҳоллари 179 тага етган.
Аммо яқинда мамлакат масъуллари қурбонлар сонининг ҳам расман айтилаётганидан кўп экани эҳтимолини ошкора назардан соқит этишмаганди.
Кучайтирилган карантин тартиби билан боғлиқ масала Ўзбекистонда Республика махсус комиссияси ваколати остидаги иш экани кўрилади.
Сенат раисининг бу ҳақдаги баёноти президент Шавкат Мирзиёевнинг карантин ҳақида айтган сўзларидан қисқа вақт ўтмай янграган.
Ўзбекистон президенти пандемияни жиловлашга бағишланган 4 август кунги видеоселектор йиғилишида бу масалага яна алоҳида тўхталиб ўтган.
"Қанча кўп карантинда ушлашса, одамларни шунчалик кўп қийнашлари"ни айтган.
Президент Мирзиёев жадаллик билан коронавирусга чалинган барча беморларни қамраб оладиган даволаш тизимини йўлга қўйишни буюрганди.
Сурат манбаси, official
Ўзбекистон глобал коронавирус пандемияси сабаб, мамлакатда амалда бўлган кучайтирилган карантин тартибини 20 апрелдан бошлаб босқичма-босқич юмшатишга киришган.
Аммо бунинг ортидан коронавирус билан боғлиқ вазият жиддий издан чиқаркан, Ўзбекистон 10 июлдан бошлаб яна кучайтирилган карантин тартибига қайтишга қарор қилган.
Орада мавжуд тартибни яна 15 августгача узайтирган, Қозоғистон билан бирга бу ишга қўл урган дунёдаги илк давлатлардан бири бўлган.
Худди шу манзарада 3 августдан бошлаб, Қашқадарё ва Фарғона вилоятларида карантин чекловлари расман юмшатила бошлагани хабар берилганди.
Танзила Норбоеванинг айтишича, "ҳозирги қийинчиликлар албатта ўтади, пандемия ҳам барҳам топади, бироқ келгусида бу каби синовлар бўлмайди, деб ҳеч ким кафолат бера олмайди".
Унинг таъкидлашича, бу каби шароитда миллий қонунчиликни мустаҳкамлаш - бирламчи вазифалардан бири бўлади.
Коронавирусга қарши кураш штаби вакили Ҳабибулла Оқилов яқинда позитив баёнот берган.
Ўзбекистон Соғлиқни сақлаш тизими карантин тартиби юмшатилиши ортидан коронавирус билан касалланганлар сони ортиши эҳтимолига тайёр эканини айтганди.
Пандемия буткул тугаши учун эса, барча эмланиши шарт.
Коронавирусга қарши вакцина ҳалича оммавий истеъмолга тайёр эмас.
Жаҳон Соғлиқни сақлаш ташкилотининг огоҳлантиришича, ҳатто, самарали вакцина умуман топилмаслиги ҳам мумкин.
Россиянинг тез орада оммавий эмлашларни бошлашига оид яқинда қилган баёноти эса, ташкилот томонидан эҳтиёткорлик билан қарши олинган.
Сурат манбаси, official
Ўзбекистон ҳукумати ҳам жорий ҳафтада илк бор коронавирусга қарши вакцина сотиб олиш режасида экандек кўрилган.
Президент Мирзиёев 4 август кунги видеоселектор йиғилиши чоғида бу ишни Ўзбекистон Бош вазири ўринбосари Беҳзод Мусаевга топширди.
Бир ҳафта муддат ичида етакчи олимлар ва тажрибали шифокорлар билан маслаҳатлашган ҳолда, вакцинани харид қилиш ва мамлакат аҳолиси вакцинациясини амалга оширишнинг пухта йўлларини ишлаб чиқишни буюрди.
Худди шу манзарада ўзбекистонлик қатор етакчи соҳа мутахассисларининг коронавирусга қарши оммавий эмлаш масаласига эътибор қаратишгани ҳам кўрилди.
Улар ҳам бунинг "дунёда коронавирусга қарши вакцинанинг ишлаб чиқилиши ва оммавий қўллана бошлашига боғлиқ" эканини айтишди.
Ўзбекистон вакцинани қай бир давлатдан сотиб олиш режасида экани ҳозирча маълум эмас.
Ўзбекистон Соғлиқни сақлаш вазири ва Бош давлат санитария инспектори ҳануз шифохонада қолишмоқда.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
