الزبتھ دوم کی تدفین: ملکہ الزبتھ دوم کی آخری رسومات تصاویر میں

ویسٹ منٹسر ایبی میں ملکہ کی تاریخی آخری رسومات کے بعد ان کا تابوت اس وقت ونڈزر کاسل کی جانب رواں دواں ہے۔

تابوت کو سرکاری میت گاڑی میں منتقل کر دیا گیا ہے اور اس سے قبل اسے ایک جلوس کی صورت میں ویسٹ منسٹر ایبی سے ویلنگٹن آرچ لایا گیا تھا۔

شاہی خاندان کے سینیئر اراکین لندن میں جلوس کا حصہ بنے اور ان کے ساتھ مسلح افواج اور رائل کینیڈین ماؤنٹڈ پولیس کے ارکان بھی شامل تھے۔

ملکہ کی آخری رسومات میں دو ہزار کے قریب مہمانوں نے شرکت کی اور ان رسومات کے لیے شاہی خاندان کے اراکین ویسٹ منسٹر ایبی میں سامنے کی نشستوں پر براجمان تھے۔

آرچ بشپ آف کینٹربری جسٹن ویلبی نے اس دوران خطبہ دیا۔

شاہی خاندان کے کچھ ارکان نے اس دوران یونیفارمز پہن رکھے تھے جبکہ باقی سیاہ رنگ کے لباس زیب تن کیے ہوئے تھے۔

امریکی صدر جو بائیڈن اور فرانسیسی صدر ایمانوئل میکخواں سمیت کئی عالمی رہنماؤں نے ملکہ کی آخری رسومات ادا کیں۔

جاپان کے بادشاہ اور ملکہ بھی ان غیر ملکی شاہی شخصیات میں شامل تھے جو لندن میں ملکہ کی آخری رسومات کے لیے آئے۔

یورپی شاہی خاندانوں کے اراکین جن میں نیدرلینڈز، سویڈن اور سپین شامل ہیں، بھی یہاں موجود تھے۔

برطانیہ کی وزیرِ اعظم لز ٹرس نے بھی دعائیہ تقریب میں شرکت کی اور خطاب کیا۔

تمام تصاویر کے جملہ حقوق محفوظ ہیں۔