سبز سمندری کچھوے اور بلیک ٹپ ریف شارک: 2021 کی سمندری حیات کی بہترین تصاویر

ایمی جان کو سال کا بہترین اوشن فوٹوگرافر قرار دیا گیا ہے۔

انھیں یہ ایوارڈ مغربی آسٹریلیا کی ننگالو ریف میں گلاس فش کے جھرمٹ میں موجود سبز سمندری کچھوے کی تصویر پر دیا گیا۔

اوشنو گرافک میگزین کی جانب سے منعقد کروائے جانے والے اس مقابلے کا مقصد سمندر کی خوبصورتی کو اجاگر کرنا اور اسے لاحق خطرات کی نشاندہی ہے۔

دوسری پوزیشن پر ہینلے سپائرز رہیں۔ ان کی انعام یافتہ تصویر میں سکاٹ لینڈ کے شیٹ لینڈ جزائر کے قریب غوطہ لگاتے گینٹس دیکھے جا سکتے ہیں۔

تیسری پوزیشن میری سمتھ کو ملی جنھوں نے ہاکس بل کچھوے کے بچے کی سمندر میں پہلی تیراکی کو عکس بند کیا۔

فیمیل ففٹی فیدمز ایوارڈ لاس اینجس کی فوٹوگرافر اور حیاتیات کی استاد رینی کیپوزولا کے نام رہا۔ ان کے کام میں فرنچ پولینیشیا میں بلیک ٹپ ریف شارک کی تصویر بھی شامل تھی۔

یہ بھی دیکھیے

کامیڈی وائلڈ لائف فوٹوگرافی: مسکراتی سرمئی سیل سے گلوکار لنگور تک

خوبصورت پرندوں کی کھینچی گئی دلکش تصاویر

کسان کی بیٹی جس کے تعلیمی سفر نے عالمی مقابلہ جیت لیا

سال کے بہترین نوجوان اوشن فوٹوگرافر کا ایوارڈ ہانا لی لیو کو سبز سمندری کچھوے کی تصویر کے لیے دیا گیا۔ یہ تصویر آسٹریلیا کے جزیرہ ہیرون کے قریب کھینچی گئی تھی۔

لندن میں دریائے ٹیمز کے نزدیک ہونے والی یہ نمائش 17 اکتوبر 2021 تک جاری رہے گی۔

تمام تصاویر کے جملہ حقوق محفوظ ہیں۔