جمال خاشقجی قتل: ٹرمپ انتظامیہ کا یہ بتانے سے انکار کے قاتل کون ہے؟
،تصویر کا ذریعہGetty Images
ٹرمپ انتظامیہ نے امریکی کانگریس کی اس درخواست کو مسترد کر دیا ہے جس میں دریافت کیا گیا تھا کہ سعودی صحافی جمال خاشقجی کو کس نے قتل کیا۔
سینٹرز نے اکتوبر میں وائٹ ہاؤس کو اس معاملے کے تحقیقات کرنے اور اس بارے میں مزید معلومات فراہم کرنے کی درخواست کے تھی۔
ٹرمپ انتظامیہ کے ایک اہلکار کے مطابق امریکی صدر اس معاملے پر درخواست رد کرنے کا اختیار رکھتے ہیں۔
جمال خاشقجی کو گزشتہ برس اکتوبر میں استنبول میں سعودی سفارتخانے میں داخل ہونے کے بعد قتل کر دیا گیا تھا۔
جمال خاشقجی سعودی حکومت کے شدید مخالف تھے اور اپنی زندگی میں انہیں تنقید کا نشانہ بناتے رہے۔ مبینہ طور پر جمال خاشقجی کی لاش کے ٹکڑے کر دیے گئے تھے جن کو ابھی تک برآمد نہیں کیا جا سکا۔
یہ بھی پڑھیے
End of سب سے زیادہ پڑھی جانے والی
امریکی انٹیلیجنس حکام نے مبینہ طور پر کہا ہے کہ اس طرح کے آپریشن کے لیے ولی عہد محمد بن سلمان کی منظوری کی ضرورت ہوتی ہے۔ لیکن سعودی حکام کے مطابق جمال خاشقجی کا قتل ’روگ` سعودی ایجنٹس نے کیا جو ولی عہد محمد بن سلمان کے احکامات پر عمل نہیں کرتے۔
ٹرمپ انتظامیہ کی جانب سے جاری ایک بیان کے مطابق صدر ٹرمپ کانگریس کی جانب سے اس قسم کی درخواست کو مسترد کرنے کا اختیار رکھتے ہیں۔
،تصویر کا ذریعہGetty Images
تاہم سیکرٹری خارجہ مائیک پومپیو نے سینٹر رہنماؤں کو اس معاملے میں افراد کے خلاف لیے گئے اقدامات کے بارے میں آگاہ کیا ہے۔ لیکن سینٹرز کے مطالبے کے مطابق دستاویزات میں جمال خاشقجی کے قتل کے اصل زمہ داروں کی نشاندہی نہی کی گئی۔
امریکہ نے جمال خاشقجی کے قتل کی منصوبہ بندی اور اسکی عمل درآمد میں ملوث شاہ سلمان کے سابق مشیر سعود القہانی سمیت 17 سعودی اہلکاروں کو سزائیں بھی سنائی ہیں۔
تاہم امریکی سینٹرز کی جانب سے امریکی صدر پر جمال خاشقجی کے قتل کے لیے براہ راست ولی عہد شاہ سلمان کی مذمت نہ کرنے پر شدید تنقید کی جاتی رہی ہے۔
