آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ایتھوپیا میں وزیر دفاع سمیت نصف حکومتی عہدوں پر خواتین تعینات
ایتھوپیا کے وزیر اعظم ایبی احمد نے وزارتِ دفاع سمیت نصف حکومتی عہدوں پر خواتین کو تعینات کر دیا ہے۔
وزیر دفاع کا عہدہ ملک میں انتہائی اہم سمجھا جاتا ہے اور یہ خاتون رہنما عائشہ محمد کو دیا گیا ہے۔
پارلیمانی پارلیمنٹ میں اپنی تقریر میں ایبی احمد نے کہا: ’خواتین کم بد عنوان ہوتی ہیں اور وہ ملک میں امن اور استحکام لانے میں مدد کریں گی۔‘
روانڈا کے بعد، ایتھوپیا دوسرا افریقی ملک ہے جہاں وزرا میں نصف خواتین ہیں۔
ایبی احمد نے 28 سے 20 سے وزرا کی تعداد کم کردی ہے۔
ایبی احمد نے اس سال اپریل میں ملک کے وزیراعظم کے بعد کئی اصلاح پسند اقدامات کیے ہیں۔ انہوں نے دو برس کے لیے پڑوسی ملک ایرٹریا کے ساتھ متعدد جھڑپوں کو بھی ختم کر دیا ہے۔
ایبی احمد نے ملک کی معیشت پر حکومتی گرفت کو کم کیا اور ہزاروں سیاسی قیدیوں کو رہا کر دیا۔
عائشہ محمد کو ملک کی پہلی خاتون دفاع وزیر بنا دیا گیا ہے۔ وہ اس سے پہلے وزیرِ تعمیرات رہ چکی ہیں۔
End of سب سے زیادہ پڑھی جانے والی
پارلیمان کی سابق سپیکر مفیریت کامل، ملک کی پہلے وزیر برائے امن ہوں گی۔ ملک کی انٹیلی جنس اور سکیورٹی ایجنسیوں کے علاوہ، وفاقی پولیس کا انتظام بھی ان کے پاس ہوگا۔
اقوامِ متحدہ میں ایتھوپیا کے نائب مستقل نمائندے مہلی ہیلو نے نئے وزرا کی فہرست ٹویٹ کی۔
ایبی احمد نے کہا ہے کہ ان کے اصلاحاتی پروگرام کو جاری رکھنا چاہیے تاکہ ملک کو افراتفری کا شکار بنانے والے ادارتی اور اسٹریٹجک مسائل حل ہوسکیں۔
انھوں نے کہا کہ خواتین نے ملک میں امن اور استحکام لانے میں اہم کردار ادا کیا ہے۔
انھوں نے کہا کہ خواتین کم بدعنوان ہیں اور ان کے کام کا احترام کرتے ہیں اور تبدیلی کے راستے پر آگے بڑھ سکتے ہیں۔
42 سالہ ایبی احمد اپریل میں ایتھوپیا کے وزیر اعظم کے غیر متوقع استعفی کے بعد ملک کے نئے وزیراعظم بنے تھے۔
یہ سب اورومو نامی برادری کی جانب سے تین سالہ احتجاج کے بعد عمل میں جسے اس کے بقول یساسی اور معاشی پسماندگی کا شکار بنایا گیا۔
ایبی خود بھی ارومو قبیلے سے ہیں اور ان کی جانب سے ’زخم بھرنے کے لیے‘ اعتماد اور اتحاد کی اپیل کا ایتھوپیا میں خیر مقدم کیا گیا۔
