آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
خواتین کے سر منڈوانے سے وگ کی تجارت پھلتی پھولتی ہے
مذہبی عقیدہ کبھی کبھی کاروبار میں مددگار ثابت ہو جاتا ہے۔ ہندوؤں کا یہ عقیدہ کہ منڈن، ( یعنی بالوں کا عطیہ) بھی دیا جا سکتا ہے، اس کی ایک مثال ہے۔
ہندو عقیدے کے مطابق کوئی منّت یا مراد پوری ہونے پر بالوں کا نذارنہ بھی پیش کیا جا سکتا ہے جس کے لیے خواتین بھی اپنا سر منڈوا دیتی ہیں۔
انڈیا کی ریاست تمل ناڈو کے تروتھتانی مندر میں خواتین بڑی تعداد میں اپنی منت پوری ہو جانے کے بعد اپنا سر منڈوا دیتی ہیں۔
ریاست تمل ناڈو سے جو بال برآمد کیے جاتے ہیں ان میں سے ایک چوتھائی بال وہ ہوتے ہیں جن کا مندروں میں نذارنہ پیش کیا جاتا ہے۔
ریاست کے مختلف مندر منڈن سے جمع ہونے والے بالوں کی نیلامی کرتے ہیں۔
نیلامی سے حاصل ہونے والے بالوں کو کمپنیاں صاف صفائی کرنے کے بعد ان کی وگ تیار کرتے ہیں۔
ان بالوں سے تیار ہونے والی وگوں کو امریکہ، افریقہ اور یورپ کے مختلف ممالک میں فروخت کے لیے اچھی قیمتوں پر باہر بھیجا جاتا ہے۔
ایک تخمینے کے مطابق ہاتھوں سے ایک وگ کو بنانے میں ایک ماہ کا وقت بھی لگ سکتا ہے
End of سب سے زیادہ پڑھی جانے والی
'راج ہیئر انٹرنیشنل' نامی کمپنی کینسر کے مریضوں کو وگ بطور عطیہ فراہم کرتی ہے۔ یہ کمپنی تقریبا 56 ممالک میں وگوں کو برآمد بھی کرتی ہے۔
خواتین اور بچوں کے سر منڈوانے سے حاصل ہونے والے بالوں کا کافی بڑا حصہ وگ بنانے کے کام آتا ہے۔
