آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
شارک کے حملے میں نوجوان لڑکی کی ہلاکت
مغربی آسٹریلیا میں ایک 17 سالہ لڑکی سرفنگ کے دوران شارک کے حملے میں ہلاک ہو گئی ہے۔
پولیس کے مطابق پیر کو شام چار بجے جب لڑکی کو ان کے والد نے سمندر سے نکالا تو وہ شدید طور پر زخمی تھی اوربعد میں ہسپتال میں ان کی موت ہو گئی۔
لڑکی کے ساتھ ان کی والدہ اور دو بہن بھائی بھی موجود تھے۔
یہ لوگ ایسپرانس کے پاس معروف سرفنگ کی جگہ پر تھے۔
خیال رہے کہ گذشتہ ایک سال میں مغربی آسٹریلیا میں شارک کا یہ تیسرا حملہ ہے جس میں لوگوں کی موت ہوگئی ہے۔
اسی علاقے میں آخری بار شارک کا حملہ سنہ 2014 میں ہوا تھا جس میں ایک شخص کو اپنے بازوؤں سے ہاتھ دھونا پڑا تھا۔
End of سب سے زیادہ پڑھی جانے والی
ایک پیشہ ور ماہی گیر نیول مانسٹیڈ نے کہا کہ اب وہ وہاں سرفنگ نہیں کریں گے۔
ویسٹ آسٹریلین نامی اخبار کو انھوں نے بتایا کہ اسی جگہ پر اس طرح کا یہ دوسرا واقعہ ہے۔ ’اس میں میرا بیٹا بھی شامل ہو سکتا تھا۔‘
بیچ کو کم از کم 48 گھنٹوں کے لیے بند کر دیا گیا ہے اور اس دوران حکام اس واقعے کی جانچ کر رہے ہیں۔
