کھلاڑیوں کے بین الاقوامی مقابلوں میں شرکت پر پابندی عائد رہےگی

اس فیصلے سے سابق کپتان مارون اتاپتو، رسل آرنلڈ، اپل چندانا، اوشکا گوناوردنے اور سمن جیانتھا کو فائدہ پہنچےگا۔ تاہم ان کھلاڑیوں کے بین الاقوامی کرکٹ مقابلوں میں شرکت پر پابندی عائد رہےگی۔ اس سے قبل آئی سی ایل میں حصہ لینے والے کھلاڑی صرف انگلش کاؤنٹی سیزن میں ہی حصہ لے پائے تھے۔

سری لنکا کرکٹ کے میڈیا مینیجر شین فرنینڈو کے مطابق’ کھلاڑیوں کو اپنے متعلقہ کلبوں کی جانب سے کھیلنے اور اپنی مہارت دکھانے کی اجازت ہوگی۔ تاہم وہ ملک کی نمائندگی نہیں کر سکتے‘۔

سری لنکن کرکٹ حکام کی جانب سے یہ فیصلہ بنگلہ دیش کرکٹ بورڈ کی جانب سے آئی سی ایل میں حصہ لینے کا اعلان کرنے والے تیرہ بنگلہ دیشی کھلاڑیوں پر دس سالہ پابندی لگائے جانے کے بعد سامنے آیا ہے۔

آئی سی ایل حکام کا کہنا ہے کہ سری لنکن کرکٹ کا فیصلہ ’ صحیح سمت میں ایک قدم ہے‘۔

آئی سی ایل کے بزنس ہیڈ ہمانشو مودی نے کرکٹ ویب سائٹ کرک انفو سے بات کرتے ہوئے کہا ہے کہ ’ہمیں امید ہے کہ اس فیصلے سے سری لنکن کھلاڑیوں کی مقامی اور بین الاقوامی دونںو قسم کی کرکٹ کھیلنے کی راہ ہموار ہوگی‘۔