مینڈس نے اپنے پہلے ٹیسٹ میچ میں آٹھ وکٹیں لی تھیں

اس سے پہلے کیریئر کی پہلی ٹیسٹ سیریز میں سب سے زیادہ وکٹیں لینے کا ریکارڈ انگلینڈ کے ایلک بیڈسر کا تھا۔ یہ ریکارڈ انہوں نے انیس سو چھیالیس میں انڈیا کے خلاف بنایا تھا۔

سری لنکا میں جاری سیریز کے تیسرے ٹیسٹ میچ کے تیسرے دن کے اختتام پر انڈیا نے اپنی دوسری اننگز میں پانچ وکٹوں کے نقصان پر ایک سو اکسٹھ رن بنائے ہیں۔ پہلی اننگز میں اس نے دو سو انچاس رن بنائے تھے۔ سری لنکا نے اپنی پہلی اننگز میں تین سو چھیانوے رن بنائے ہیں۔

مینڈس نے اس میچ کی پہلی اننگز میں پانچ کھلاڑی آؤٹ کیے تھے جبکہ دوسری اننگز میں وہ دو وکٹیں لے چکے ہیں۔ اس سے پہلے سیریز کے دوسرے ٹیسٹ میچ میں انہوں نے پہلے اننگز میں چھ اور دوسری میں چار وکٹیں لی تھیں۔

موجودہ سیریز کے پہلے اور اپنے کیریئر کے بھی پہلے ٹیسٹ میچ میں مینڈس نے دونوں اننگز میں چار چار کھلاڑی آؤٹ کیے تھے۔