 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
شعیب کاکول کیمپ سے باہر | ||||||||||||||||||||||||||||||||||||||||
فاسٹ بالر شعیب اختر کو پاکستان کے آرمی سکول آف ٹریننگ کاکول میں ہونے والے تربیتی کیمپ کے کھلاڑیوں میں شامل نہ کرنے پر پاکستان کرکٹ بورڈ کے حکام متضاد رائے دے رہے ہیں۔ پاکستان کرکٹ بورڈ نے چمپئنز ٹرافی کرکٹ ٹورنامنٹ کی تیاری کے لیے اکیس سے اٹھائیس جولائی تک کاکول میں پاکستان کے 24 کھلاڑیوں کی تربیت ٹریننگ کا اہتمام کیا ہے لیکن اس میں فاسٹ بالر شعیب اختر کے علاوہ اعلان کردہ ان چھ کھلاڑیوں کو شامل نہیں کیا گیا جو ملک سے باہر ہیں۔ شعیب اختر کو تربیتی کیمپ کے کھلاڑیوں میں شامل نہ کرنے کی بابت سلیکشن کمیٹی کے چیئرمین صلاح الدین صلو نے مقامی ٹیلی ویژن سے بات کرتے ہوئے کہا ہے کہ انہیں کرکٹ بورڈ کی جانب سے شعیب اختر کی کلیرنس نہیں ملی۔ انہیں کیمپ میں تب ہی شامل کیا جائے گا جب کرکٹ بورڈ انہیں کلئیر کر دے گا۔ صلاح الدین صلو نے کہا کہ آئی سی سی کی ڈیڈ لائن کی وجہ سے شعیب اختر کوتیس کھلاڑیوں میں شامل کرنا پڑا لیکن جرمانے کا معاملہ ابھی طے نہیں ہوا۔
’اس میں تربیت بہت سخت ہو گی اور ہمیں نہیں معلوم کہ شعیب اختر کی فٹنس کس معیار کی ہے، کہیں زیادہ تربیت ان کے لیے نقصان دہ نہ اس لیے انہیں شامل نہیں کیا گیا۔‘ شفقت نغمی نے مزید کہا کہ اس سلسلے میں انہوں نے شعیب اختر سے خود بات کی، شعیب اختر نے کہا کہ انہیں اس قسم کی تربیت نہیں چاہیے جو کاکول کے کیمپ میں ہو گی کیونکہ وہاں کرکٹ نہیں ہو گی اور شعیب کا کہنا ہے کہ انہیں کرکٹ کھیلنے کی ضرورت ہے اور وہ بالنگ کروانا چاھتے ہیں کیونکہ انہیں خود کو بالنگ کے لیے فٹ کرنا ہے۔ شفقت نغمی نے کہا کہ شعیب اختر نے اپنی فٹنس ثابت کرنے کے لیے ان سے ڈھائی ہفتے کا وقت مانگا ہے۔ انہوں نے اس بات سے قطعی انکار کیا کہ کاکول کے کیمپ میں شعیب اختر کو نہ رکھنے کے در پردہ جرمانہ نہ ادا کرنا ہے۔ انہوں نے کہا کہ شعیب اختر سے جرمانہ تو ہم وصول کر ہی لیں گے۔ شفقت نغمی کے بقول جرمانے کے معاملے میں پی سی بی اور شعیب اختر کے وکیل کے مؤقف الگ الگ ہیں اور اس سلسلے میں ہم کورٹ سے بھی رابطہ کریں گے تاہم یہ شعیب اختر کی ٹیم میں شمولیت کی شرط نہیں۔ شفقت نغمی نے کہا کہ اس سلسلے میں ان کی بات کو ہی صحیح سمجھا جائے اور کسی اور کے بیان کو درست نہ ہی جانا جائے تو بہتر ہے۔ |  اسی بارے میں  شعیب اختر سے خصوصی ملاقات16 June, 2008 | کھیل شعیب تیس کھلاڑیوں میں 10 July, 2008 | کھیل شعیب اختر نے جرمانہ نہیں بھرا14 July, 2008 | کھیل شعیب بھارت کے خلاف میچ سے باہر02 July, 2008 | کھیل شعیب کنٹریکٹ سے محروم25 January, 2008 | کھیل کرکٹ نہیں چھوڑ رہا: شعیب اختر13 January, 2008 | کھیل شعیب اختر کلکتہ کے لیے کھیلیں گے22 February, 2008 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
میں نے شعیب اختر سے خود بات کی، شعیب اختر نے کہا کہ انہیں اس قسم کی تربیت نہیں چاہیے جو کاکول کے کیمپ میں ہو گی کیونکہ وہاں کرکٹ نہیں ہو گی اور شعیب کا کہنا ہے کہ انہیں کرکٹ کھیلنے کی ضرورت ہے اور وہ بالنگ کروانا چاھتے ہیں کیونکہ انہیں خود کو بالنگ کے لیے فٹ کرنا ہے
