عبدالرشید شکور
بی بی سی اردو ڈاٹ کام کراچی |  |
| سب سے زیادہ رنز کاعالمی ریکارڈ   سلمان بٹ نے اس سیریز میں دو سنچریوں کے علاوہ دو نصف سنچریاں بھی بنائیں اور ان کے مجموعی رنز کی تعداد چار سو اکیاون رہی جو دو ملکوں کے درمیان کھیلی جانے والی پانچ میچوں پر مشتمل ون ڈے سیریز میں کسی بھی بیٹسمین کے سب سے زیادہ رنز کا عالمی ریکارڈ ہے۔  |
صدر جنرل ( ریٹائرڈ ) پرویز مشرف اس میچ کے مہمان خصوصی تھے جن کی آمد کے موقع پر اسٹیڈیم میں سخت سکیورٹی انتظامات کئے گئے تھے۔ اسٹیڈیم کا کنٹرول رینجرز اور دیگر ایجنسیوں نے جمعہ ہی سے سنبھال لیا تھا ۔ میچ سے گھنٹوں پہلے ہی نیشنل اسٹیڈیم آنے والے تمام لوگوں کی سخت تلاشی لی جارہی تھی۔ اس سے قبل انیس سو نوے میں پاکستانی کرکٹ ٹیم نے عمران خان اور جاوید میاندا کی قیادت میں مسلسل دس ون ڈے انٹرنیشنل میچز جیتے تھے۔ بنگلہ دیشی ٹیم بولنگ کے بعد بیٹنگ میں بھی بری طرح ڈگمگاگئی اور صرف ایک سو اناسی رنز بناسکی۔ اس سے قبل پاکستان نے سلمان بٹ کی سنچری اور یونس خان کی نصف سنچری کی بدولت ٹاس جیت کر نو وکٹوں پر تین سو انتیس رنز بنائے تھے۔ سلمان بٹ نے ون ڈے انٹرنیشنل میچوں میں چھٹی اور اس سیریز میں اپنی دوسری سنچری اسکور کی۔ انہوں نے ایک سو چوبیس گیندوں پر چودہ چوکوں اور ایک چھکے کی مدد سے ایک سو چھتیس رنز بنائے جو ان کا کریئر بیسٹ اسکور بھی ہے۔ سلمان بٹ نے اس سیریز میں دو سنچریوں کے علاوہ دو نصف سنچریاں بھی بنائیں اور ان کے مجموعی رنز کی تعداد چار سو اکیاون رہی جو دو ملکوں کے درمیان کھیلی جانے والی پانچ میچوں پر مشتمل ون ڈے سیریز میں کسی بھی بیٹسمین کے سب سے زیادہ رنز کا عالمی ریکارڈ ہے۔ اس سے قبل محمد یوسف نےسال دو ہزار تین میں زمبابوے کے خلاف سیریز میں چار سو پانچ رنز بنائے تھے۔ بنگلہ دیش کی پہلی چار وکٹیں صرف گیارہ گیندوں پر گرگئیں جس میں سے تین کو محمد آصف نے آؤٹ کیا تھا۔ پہلی وکٹ تمیم اقبال کی گری جوصرف نو رنز بناکر عمر گل کی گیند پر کامران اکمل کے ہاتھوں کیچ ہوگئے۔ محمد آصف نے چھ گیندوں میں جنید صدیقی، آفتاب احمد اور شکیب الحسن کو آؤٹ کردیا لیکن آفتاب احمد اس لحاظ سے بدقسمت رہے کہ وہ اسٹیو بنکر کے غلط ایل بی ڈبلیو فیصلے کا شکار بنے۔ بنگلہ دیشی کپتان محمد اشرفل تیس اور وکٹ کیپر دھمن گھوش انتیس رنز بناکر آؤٹ ہوئے۔ گھوش اور محمود اللہ نے ساتویں وکٹ کے لئے ستاون رنز کا اضافہ کیا۔ محمود اللہ سینتیس رنز کے ساتھ ٹاپ اسکورر رہے۔ آخری لمحات میں عبدالرزاق نے عمدہ بیٹنگ کرتے ہوئے تینتیس رنز بنائے۔ پاکستانی بولرز میں محمد آصف پینتیس رنز کے عوض تین وکٹوں کے ساتھ سب سے کامیاب رہے۔ شاہد آفریدی نے بھی تین وکٹیں چالیس رنز دے کر حاصل کیں۔ اس سے قبل پاکستانی اننگز کی خاص بات سلمان بٹ اور یونس خان کے درمیان دوسری وکٹ کی شراکت میں بننے والے ایک سو اناسی رنز تھے جو پاکستان بنگلہ دیش ون ڈے میچوں میں دوسری وکٹ کی سب سے بڑی شراکت بھی ہے۔ سال انیس سو ستانوے میں کولمبو میں رمیز راجہ اور سعید انور نے دوسری وکٹ کے لئے ایک سو تئیس رنز کا اضافہ کیا تھا۔
| مشرف کی حمایت  مبصرین کا یہ کہنا ہے کہ قومی اسمبلی اور سینٹ میں سخت تنقید کی زد میں آنے والے پاکستان کرکٹ بورڈ کے چیئرمین ڈاکٹر نسیم اشرف نے صدر جنرل (ریٹائرڈ) پرویز مشرف کو پانچویں ون ڈے انٹرنیشنل میچ میں مدعو کرکے یہ پیغام دینے کی کوشش کی ہے کہ انہیں صدر کی بھرپور حمایت حاصل ہے۔ |
یونس خان نے جو دو میچوں کی غیر حاضری کے بعد دوبارہ ٹیم میں آئے اًسی گیندوں پر چار چو کے اور ایک چھکے کی مدد سےانہتر رنز سکور کئے۔ کامران اکمل صرف دس رنز بناکر مشرفی مرتضی کی گیند پر جنید صدیقی کے ہاتھوں کیچ ہوگئے۔ اس وقت پاکستان کا سکور اٹھائیس رنز تھا۔ محمد یوسف سترہ گیندوں پر ایک چوکے اور ایک چھکے کی مدد سے بائیس رنز بناکر مشرفی مرتضی کی گیند پر عبدالرزاق کے ہاتھوں کیچ ہوگئے۔ آؤٹ ہونے والے پانچویں بیٹسمین شاہد آفریدی تھے جو دو سو باسٹھ کے مجموعی اسکور پر شہادت حسین کی گیند پر مشرفی مرتضی کے خوبصورت کیچ پر پویلین واپس جانے پر مجبور ہوئے انہوں نے چار رنز بنائے۔ اپنا پہلا ون ڈے انٹرنیشنل کھیلنے والے نعمان اللہ کی بیٹنگ49 ویں اوور میں شعیب ملک کی وکٹ گرنے پر آئی جو27 رنز بناکر عبدالرزاق کی گیند پر گھوش کے ہاتھوں اسٹمپڈ ہوئےتھے اسوقت پاکستان کا سکور 314 رنز تھا۔ اسی سکور پر مصباح الحق کی وکٹ گری جو35 رنز بناکر مشرفی مرتضی کی گیند پر عبدالرزاق کو کیچ دے گئے۔نعمان اللہ کو صرف پانچ رنز پر شہادت حسین نے بولڈ کیا۔ صدر جنرل ( ریٹائرڈ ) پرویز مشرف اس میچ کے مہمان خصوصی تھے جن کی آمد کے موقع پر سٹیڈیم میں سخت سکیورٹی انتظامات کئے گئے تھے۔سٹیڈیم کا کنٹرول رینجرز اور دیگر ایجنسیوں نے جمعہ ہی سے سنبھال لیا تھا ۔ میچ سے گھنٹوں پہلے ہی سے نیشنل اسٹیڈیم آنے والے تمام لوگوں کی سخت تلاشی لی جارہی تھی۔ میچ کی کوریج کرنے والوں کے لیے عام میڈیا کارڈز کے ساتھ ساتھ سپیشل برانچ کی طرف سے خصوصی کارڈز جاری کئے گئے ہیں ۔ میڈیا کے سوا کسی کو بھی موبائل فون اسٹیڈیم کی مرکزی عمارت میں لانے کی اجازت نہیں دی گئی۔ مبصرین کا یہ کہنا ہے کہ قومی اسمبلی اور سینٹ میں سخت تنقید کی زد میں آنے والے پاکستان کرکٹ بورڈ کے چیئرمین ڈاکٹر نسیم اشرف نے صدر جنرل (ریٹائرڈ) پرویز مشرف کو پانچویں ون ڈے انٹرنیشنل میچ میں مدعو کرکے یہ پیغام دینے کی کوشش کی ہے کہ انہیں صدر کی بھر پور حمایت حاصل ہے۔
| 
ایشیا کپ، سہیل اور وسیم دستیاب
