آصف فاروقی بی بی سی اردو ڈاٹ کام، اسلام آباد

	یورپ اور امریکہ میں اولمپکس مشعل کی آمد پر احتجاجی مظاہرے ہوئے

جناح سپورٹس کمپلیکس کے گراؤنڈ میں ہونے والی افتتاحی تقریب کے مہمان خصوصی وزیراعظم سید یوسف رضا گیلانی ہوں گے جبکہ لیاقت جمنازیم میں ہونے والی اختتامی تقریب کی صدارت صدر مملکت جنرل (ر) پرویز مشرف کریں گے۔

حفاظتی نقطہ نظر سے ان تقریبات کو اصل پروگرام کے مقابلے میں بہت مختصر کر دیا گیا ہے۔ ابتدائی پروگرام کے مطابق، اولمپکس مشعل برداروں کو تین کلومیٹر کا فاصلہ طے کر کے استقبالیہ تقریب کے لیے سپورٹس سٹیڈیم پہنچنا تھا۔

سکیورٹی سخت  سکیورٹی خدشات کے پیش نظر شہر کا دورہ منسوخ کر دیا گیا ہے۔ اب یہ مشعل جناح سپورٹس کمپلیکس کے احاطے کے اندر ہی اڑھائی کلومیٹر کا سفر طے کرے گی

مشعل برداری کی تقریب کے بعد لیاقت جمنازیم میں اختتامی تقریب ہو گی جس میں پاکستان کے نامور گلوکار اپنے فن کا مظاہرہ کریں گے۔ اسلام آباد میں موسم کی خرابی اور بارش کے امکانات کے پیش نظر اولمپکس مشعل کی انتظامیہ اس وقت مشعل پروگرام کو حتمی شکل دینے میں مصروف ہے۔

اس سے پہلے گزشتہ رات ایک بجے کے قریب جب مشعل اسلام آباد ائر پورٹ پہنچی تو پاکستان اولمپکس کمیٹی کے سربراہ سید عارف حسن اور پاکستان میں چینی سفیر بھی استقبال کے لیے موجود تھے۔

مشعل کی آمد اور اسلام آباد میں اس کے سفر کے دوران سخت حفاظتی انتظامات کے تحت دو ہزار اضافی پولیس اہلکار تعینات کیے گئے ہیں ۔