 | | | شاہد آفریدی نے اپنی اننگز میں چھ چھکے لگائے |
پاکستانی بلے باز شاہد آفریدی نے ملتان میں زمبابوے کے خلاف ایک روزہ میچ کے دوران اپنے کیریر کا دو سو پینتالیسواں چھکا لگا کر جے سوریا کا ایک روزہ میچوں میں زیادہ چھکے لگانے کا ریکارڈ برابر کر دیا۔ شاہد آفریدی نے اس میچ میں چھ چھکوں اور دو چوکوں کی مدد سے باون گیندوں پر پچاسی رن کی اننگز کھیلی۔ آفریدی نے یہ ریکارڈ دو سو باون میچوں میں حاصل کیا جبکہ جے سوریا نے چار سو تین میچوں میں اتنے چھکے لگائے۔ | چھکوں کا ریکارڈ شاہد آفریدی: 252 میچ، 245 چھکے سنتھ جے سوریا: 403 میچ، 245 چھکے سورو گنگولی:311 میچ، 190 چھکے سچن تندولکر: 407 میچ، 166 چھکے کرس کیرن: 215 میچ، 153 چھکے |
ملتان میں کھیلے جانے والے تیسرے ایک روزہ میچ میں پاکستان نے زمبابوے کو سینتیس رن سے شکست دے کی پانچ میچوں کی سیریز میں تین صفر کی برتری حاصل کر لی ہے۔ پاکستان نے پہلے کھیلتے ہوئے مقررہ پچاس اوور میں نو وکٹ کے نقصان پر 272 رن بنائے تھے جس کے جواب میں زمبابوے کی ٹیم سات وکٹ کے نقصان پر دو سو پینتیس رن بنا سکی۔ سیریز کا چوتھا میچ تیس جنوری کو فیصل آباد میں کھیلا جائے گا جبکہ پانچواں اور آخری میچ دو فروری کو شیخوپورہ میں ہوگا۔ | 
پاکستان کی لگاتار دوسری فتح
