عبدالرشید شکور بی بی سی اردو ڈاٹ کام، کراچی

	شعیب اختر اس سے قبل بھی مختلف نوعیت کے تنازعات میں ملوث رہے ہیں

بورڈ نے شعیب اختر کی جگہ متبادل کھلاڑی کو اسکواڈ میں شامل کرنے کا فیصلہ کیا ہے اور اس ضمن میں محمد سمیع کا نام لیا جا رہا ہے۔

پاکستانی کرکٹ ٹیم کے منیجر طلعت علی اور پاکستان کرکٹ بورڈ کے حکام کے درمیان صلاح مشورے کے بعد یہ فیصلہ کیا گیا کہ شعیب اختر ڈسپلن کی خلاف ورزی کے مرتکب ہوئے ہیں جس پر کسی قسم کا سمجھوتہ ممکن نہیں۔

پاکستان کرکٹ بورڈ کے چیئرمین ڈاکٹر نسیم اشرف کے مطابق شعیب اختر کو پہلی دستیاب فلائٹ سے جنوبی افریقہ سے واپس بھیجنے کا فیصلہ کرلیا گیا ہے۔ انہوں نے کہا کہ ٹیم کی جنوبی افریقہ سے واپسی پر ٹیم منیجمنٹ کی رپورٹ پر مکمل تحقیقات کی جائیں گی۔

متبادل کھلاڑی کے بارے میں آئی سی سی کے ترجمان نے بی بی سی کو بتایا کہ پاکستانی کرکٹ ٹیم منیجمنٹ نے ابھی تک آئی سی سی سے باضابطہ درخواست نہیں کی ہے۔ ’اگر درخواست موصول ہوئی تو اسے آئی سی سی ٹیکنیکل کمیٹی کے سپرد کردیا جائے گا جو حالات و واقعات کی بنیاد پر متبادل کھلاڑی کے بارے میں فیصلہ دے گی۔‘

واضح رہے کہ عام حالات میں صرف اس کھلاڑی کا متبادل کھلاڑی بھیجا جا سکتا ہے جو ان فٹ ہو جائے۔

شعیب اختر اس سے قبل بھی مختلف نوعیت کے تنازعات میں ملوث رہے ہیں اور کئی مرتبہ ان کے خلاف بورڈ کارروائی کرتا رہا ہے۔