مناء رانا بی بی سی اردو ڈاٹ کام، لاہور

	سلیکشن کمیٹی انڈر 19، انڈر 17، انڈر15، اور اکیڈمی ٹیم کا انتخاب کرے گی

کمیٹی کے سربراہ سابق ٹیسٹ کرکٹر کرنل ریٹائرڈ نوشاد علی ہیں۔ کرنل نوشاد علی نے ٹیسٹ میچز تو صرف چھ کھیلے ہیں لیکن کسی نہ کسی حثیت سے مختلف بورڈز کے ساتھ منسلک رہے۔ اس کے علاوہ وہ پاکستان کی ٹیم کے مینجر اور میڈیا مینجر کی ذمہ داریاں بھی نبھا چکے ہیں۔

جونیئرٹیم کی سلیکشن کمیٹی کے دیگر ممبران میں سابق ٹیسٹ کرکٹرز آفتاب بلوچ، اظہر خان، محسن کمال اور سپن بالر ارشد خان شامل ہیں جبکہ نیشنل کرکٹ اکیڈمی کے ڈائریکٹر مدثر نزر بھی سلیکشن کمیٹی کی معاون رکن ہوں گے۔

اس کمیٹی کی معیاد بھی قومی ٹیم کی سلیکشن کمیٹی کی طرح دو سال رکھی گئی ہے۔کمیٹی کل وقتی بنیاد پر ہوگی اور کرکٹ بورڈ اسے معاوضہ دے گا۔

یہ سلیکشن کمیٹی انڈر 19، انڈر 17، انڈر15، اور اکیڈمی ٹیم کے لیے کھلاڑیوں کا انتخاب کرے گی۔

سلیکشن کمیٹی کے کچھ اراکین نسبتا نوجوان ہیں جن میں خاص طور پر سابق بالر محسن کمال اور سپنر ارشد خان شامل ہیں۔ارشد خان 5-2004 میں پاکستان میں ہونے والی پاک بھارت سیریز میں قومی ٹیم میں شامل تھے۔