عرفان پٹھان کو اس دورے کے لیے بنائی گئی ٹیم میں شامل نہیں کیا گیا ہے

بنگلہ دیش میں کھیلے جانی والی دو ٹیسٹ اور تین ون ڈے میچوں پر مشتمل اس سیریز کے لیے ٹیم کا اعلان جمعہ کے روز ممبئی میں کیا گیا۔

ٹیم کا اعلان کرتے ہوئے بی سی سی آئی کے سکریٹری نرجن شاہ نے کہا کہ بنگلہ دیش کے دورے کے لیے ’بعض سینیئر کھلاڑیوں کو آرام دیا گیا ہے۔‘ ان کھلاڑیوں میں سچن تندولکر اور سورو گانگولی کے علاوہ عرفان پٹھان، ہربھجن سنگھ اور اجیت اگرکر شامل ہیں۔

سچن تندولکر اور سورو گانگولی کو ٹیسٹ ٹیم میں جگہ ملی ہے جبکہ اجیت اگرکر اور ہر بھجن سنگھ کو ٹیم میں شامل نہیں کیا گیا ہے۔ عرفان پٹھان کو اس دورے کے لیے بنائی گئی ٹیم میں شامل نہیں کیا گیا ہے۔ اس کے علاوہ ورندر سنگھ سہواگ کو ٹیسٹ ٹیم میں شامل نہیں کیا گیا ہے۔

آر پی سنگھ اور دنیش مونگیا ، گوتم گمبھیر کی ون ڈے ٹیم میں واپسی ہوئی ہے۔ اس کے علاوہ منوج تیواری کو بھی ٹیم میں شامل کیا گیا ہے۔

ہندوستانی ٹیم سات مئی کو بنگلہ دیش کے لیے روانہ ہوگی۔ ٹیم اپنا پہلا میچ دس مئی کو کھیلے گی۔ اس کے علاوہ بارہ اور پندرہ مئی کو دوسرا اور تیسرا ون ڈے میچ کھیلا جائے گا۔

سیریز کا پہلا ٹیسٹ 18 اور دوسرا ٹیسٹ 25 مئی کو کھیلا جائے گا۔

ون ڈے ٹیم :
راہل ڈراوڈ (کپتان) ،وریندر سہواگ، وسیم جعفر، منوج تیواری، پیوش چاولہ، گوتم گمبھیر، رابن اتھپا، یوراج سنگھ ، مہندر سنگھ دھونی، دنیش کارتک، ایس سریسنتھ، ظہیر خان، آر پی سنگھ، پیوش چاولہ، رمیش پوور، اور دنیش مونگیا۔

ٹیسٹ ٹیم:
وسیم جعفر، دنیش کارتک، راہل ڈراوڈ، وی وی ایس لکشمن سچن تندولکر، سورو گانگولی، یوراج سنگھ، مہندر سنگھ دھونی، انل کمبلے، ایس سریسنتھ، ظہیر خان، وی آر وی سنگھ ، رمیش پوور، راجش پوار، مناف پٹیل۔