گریگ چیپل نے مئی 2005 میں انڈیا کے کوچ کا عہدہ سنبھالا تھا

گریگ چیپل کا کنکٹریکٹ اس سال مئی میں ختم ہو رہا تھا۔ انڈیا کے کرکٹ بورڈ کو لکھے ایک خط میں انہوں نے نجی وجوہات کو استعفیٰ کا سبب بتایا ہے۔

واضح رہےکہ ورلڈ کپ کے ابتدائی میچوں میں بنگلہ دیش اور سری لنکا سے شکست کے بعد انڈین ٹیم سپر ایٹ میں نہ پہنچ سکی اور پہلے ہی راؤنڈ میں ورلڈ کپ سے باہر ہو گئی تھی۔

گریگ چیپل کا کہنا تھا کہ وہ اپنا عہدہ نجی وجوہات اور ذاتی مسائل کے باعث چھوڑ رہے ہیں تاہم انہیں امید ہے کہ آنے والے سالوں میں انہیں انڈین ٹیم کی تربیت کی ذمہ داری سونپی جائے گی۔

ان کا کہنا تھا کہ وہ مستقبل میں انڈین ٹیم کی کامیابی کے لیے دعاگو ہیں۔

گریگ چیپل کا کہنا تھا کہ وہ تمام کھلاڑیوں کے شکر گزار ہیں کہ جن کے ساتھ انہوں نے کام کیا۔ ان کا مزید کہنا تھا کہ انہوں نے درپیش چیلنجز کا انتہائی پیشہ ورانہ انداز میں مقابلہ کرنے کی پوری کوشش کی۔

ان کا کہنا تھا کہ وہ اپنے سٹاف اور فیملی خاص طور پر اپنی اہلیہ کا ذکر کرنا چاہیں گے کہ جن کے بغیر شاید وہ یہ سب نہیں کر پاتے۔ ان کا کہنا تھا کہ وہ ان سب کا شکریہ ادا کرتے ہیں۔

گریگ چیپل 48 ٹیسٹ میچوں میں آسٹریلیا کی کپتانی کے فرائض سر انجام دے چکے ہیں اور انہوں نے مئی 2005 میں انڈیا کے کوچ کا عہدہ سنبھالا تھا۔