پاکستان کی شکست کے بعد وولمر دباؤ میں تھے

باب وولمر انگلینڈ کے سابق ٹیسٹ بیٹسمین تھے اور جنوبی افریقہ کے کوچ رہے۔ان کی عمر اٹھاون سال تھی۔

باب وولمر اپنے ’لڑکوں‘ کے ساتھ

اتوار کو دن پونے گیارہ بجے ان کے ہوٹل میں صفائی کرنے والے ایک شخص نے جب ان کا کمرہ کھولا تو انہیں بیہوش پایا۔ ابتدائی اطلاعات کے مطابق ان کے خون بہہ رہا تھا۔

	باب وولمر نے انیس سو پچھتر سے لے کرانیس سو اکیاسی تک انگلینڈ کی نمائندگی کی

انہیں فوری طور پر کِنگسٹن کے یونیورسٹی ہسپتال کے ایمرجنسی وارڈ میں داخل کرایا گیا لیکن بعض اطلاعات کے مطابق ان کی موت ہسپتال پہنچے سے پہلی ہی ہوچکی تھی۔

پاکستان کرکٹ بورڈ کے اعلیٰ اہلکار پی جے میر نے بی بی سی اردو ڈاٹ کام کو بتایا کہ کسی کو معلوم نہیں کہ باب وولمر کے مرنے کی وجہ کیا ہے اور اس سلسلے میں ہسپتال سے پوسٹ مارٹم رپورٹ کا انتظار ہے۔

کرکٹ بورڈ کا کہنا ہے کہ باب وولمر کے گھر والوں سے رابطہ کرنے کے بعد اس بارے میں ایک بیان جاری کیا جائے گا۔

سنیچر کو آئرلینڈ کے ہاتھوں پاکستان بری طرح ہارنے کے بعد ورلڈ کپ سے باہر ہوگیا تھا جس کے بعد کوچ وولمر ذہنی دباؤ میں تھے۔

کِنگسٹن میں بی بی سی اردو ڈاٹ کام کے نامہ نگار شفیع نقی جامعی کا کہنا ہے کہ سنیچر کو پاکستان کی شکست کے بعد انہوں نے وولمر کو صحت مند لیکن افسردہ پایا تھا۔

پوسٹ مارٹم رپورٹ کا انتظار  پاکستان کرکٹ بورڈ کے اعلیٰ اہلکار پی جے میر نے بی بی سی اردو ڈاٹ کام کو بتایا کہ کسی کو معلوم نہیں کہ باب وولمر کے مرنے کی وجہ کیا ہے اور اس سلسلے میں ہسپتال سے پوسٹ مارٹم رپورٹ کا انتظار ہے۔

پاکستان کی شکست کے بعد سابق کھلاڑیوں نے پاکستان کرکٹ بورڈ کے اربابِ اختیار اور خاص طور کوچ باب وولمر اور کپتان انضمام الحق سے استعفیٰ کا مطالبہ کیا تھا۔