ایڈم گلکرسٹ نے اچھی بیٹنگ کی اور ایک مضبوط آغاز دیا

ورلڈ کپ: تازہ ترین سکور

آسٹریلیا بمقابلہ سکاٹ لینڈ: تفصیلی سکور کارڈ

میچ کی تصاویر

آؤٹ ہونے والے کھلاڑیوں میں اوپنر ماجد حق 16 رنز بنانے کے بعد رن آؤٹ ہو گئے۔ واٹس کو میگرا نے 9 کے سکور پر واٹسن چھ اور ہملٹن کو تین کے سکور پر آؤٹ کیا۔ پونیا ایک رنز بنا کر ٹیٹ کی گیند پر بولڈ ہوئے۔

آسٹریلیا نے مقررہ پچاس اوورز میں چھ وکٹوں کے نقصان پر 334 رنز بنائے اور اس طرح سکاٹ لینڈ کو 335 کا ٹارگٹ دیا۔ آسٹریلوی اننگز کی خاص بات رکی پونٹنگ کی شاندار سنچری تھی جو انہوں پچاسی گیندوں میں بنائی۔ لیکن سنچری بنانے کے بعد وہ 113 رنز بنا کر آؤٹ ہو گئے۔

آسٹریلیا کی طرف سے اوپننگ پیتھیو ہیڈن اور ایڈم گلکرسٹ نے اور ایک اچھا آغاز دیا۔ آسٹریلیا کی پہلی وکٹ 91 کے سکور پر گری جب گلکرسٹ براؤن کی گیند پر ایل بی ڈبلیو آؤٹ ہوئے۔ انہوں نے 46 رنز بنائے۔ دوسرے آؤٹ ہونے والے کھلاڑی میتھیو ہیڈن جو 60 رنز بنا کر آؤٹ ہوئے۔ انہیں ماجد حق نے آؤٹ کیا۔ ماجد نے ہی تیسری وکٹ لی جو مائیکل کلارک کی تھی جو 15 رنز بنا کر آؤٹ ہوئے۔ ہوج 29 رنز بنا کر اور ہسی چار رنز بنا کر آؤٹ ہوئے۔

اس سے قبل سکاٹ لینڈ نے ٹاس جیت کر آسٹریلیا کو پہلے کھیلنے کی دعوت دی اور آسٹریلیا کی طرف سے ایڈم گلکرسٹ اور میتھیو ہیڈن نے اوپنگ کی۔

آسٹریلیا مسلسل تیسری مرتبہ ورلڈ کپ جیتنے کی کوشش میں ہے لیکن اس سے قبل پانچ ایک روزہ میچوں میں اسے مستقل شکست کا سامنا رہا ہے۔

اور اگر سکاٹس نے کسی طرح پانسہ پلٹ دیا تو یہ شاید ورلڈ کپ کی تاریخ کا سب سے بڑا اپ سٹ ہو گا۔

اور سکاٹ لینڈ کے کوچ پیٹر ڈرنن کا بھی خیال ہے کہ کرکٹ میں ’کچھ بھی ہو سکتا ہے۔ اگر ہم صحیح کھیلے تو ہم بہت خطرناک ہو سکتے ہیں، آسٹریلیا کے خلاف بھی۔‘

	شان ٹیٹ پچانوے میل فی گھنٹہ کی رفتار سے گیند کرا سکتے ہیں

ٹیٹ نے سینٹ ونسنٹ میں انگلینڈ کے خلاف ہونے والے وارم اپ میچ میں 33 رنز کے عوض چار کھلاڑی آؤٹ کیے تھے۔

آسٹریلیا: رکی پونٹنگ (کپتان)، ایڈم گلکرسٹ، نیتھان بریکن، مائیکل کلارک، میتھیو ہیڈن،بی ہوج، بریڈ ہوگ، مائیکل ہسی، مچل جانسن، گلین میکگرا، شان ٹیٹ اور شین واٹسن۔

سکاٹ لینڈ: کریگ رائٹ (کپتان)، جان بلین، ڈوگی براؤن، گیون ہیملٹن، ماجد حق، پال ہوفمین، نودیپ پونیا، گلین راجرز، کولن سمتھ، رے واٹسن، اور فریزر واٹس۔