فیڈرر امریکی کھلاڑی پیٹ سیمپراز کے چودہ گرینڈ سلیم ٹورنامنٹ جیتنے کے ریکارڈ کی طرف بڑھ رہے ہیں

دنیا کے نمبر ایک ٹینس کھلاڑی فیڈرر یہ میچ جیتنے کے بعد گرینڈ سلیم ٹورنامنٹ جیتنے والوں کی فہرست میں پانچویں نمبر پر آ گئے ہیں۔ اس کے علاوہ فیڈرر اب چھتیس میچ مسلسل جیت چکے ہیں۔

فیڈرر نے یہ میچ ,6-7 4-6, 4-6 سے جیتا۔ گونزالیز نے میچ میں حاوی ہونے کے کئی مواقع ضائع کیے۔ انہیں اپنی ہی سروس پر دسویں گیم میں دو سیٹ پوائنٹ بھی ملے لیکن وہ ان کا فائدہ نہ اٹھا سکے اور ٹائی بریک ہار گئے۔

انیس سو اسی کے بعد یہ پہلا موقع ہے کہ کسی کھلاڑی نے گرینڈ سلیم ٹورنامنٹ کا فائنل تین سیٹ میں جیت ہے۔ اس سے پہلے انیس سو اسّی میں بیورن بورگ نے فرنچ اوپن ٹورنامنٹ کوئی سیٹ ہارے بغیر جیتا تھا۔

فیڈرر کو اب یہ اعزاز بھی حاصل ہے کہ وہ چار میں سے تین گرینڈ سلیم ٹورنامنٹ اب تین بار جیت چکے ہیں۔

فیڈرر نے میچ کے بعد کہا کہ یہ سیزن ان کے لیے بہت اچھا رہے اور انہیں آسٹریلین اوپن جیتنے پر فخر ہے۔